Këngëtarja e famshme britanike kërkon falje për politikat e gabuara të vendit të saj lidhur me vendet ka ka konflikte të armatosura si në Afganistan apo Siri
Lily Allen, këngëtarja 31-vjeçare ka shpërthyer në lot pasi ka dëgjuar historinë e një refugjati 13-vjeçar nga Afganistani i cili ka rrezikuar jetën e tij në përpjekje për të hipur në një kamion për në Britani të Madhe.
Allen ka kërkuar falje në emër të vendit të saj, pasi pa nga afër kushtet çnjerëzore në të cilat jetojnë emigrantët në kampin e quajtur Xhungla, në Calais.
“Duket se ka tre intervale të ndryshme në jetën e këtij djali të ri, Anglia në veçanti i ka vënë në rrezik. Ne bombarduam vendin tuaj, ju lamë në dorë të talibanëve dhe tashmë po ju vëmë jetën në rrezik në vendin tonë. Ju kërkoj falje në emër të vendit tim. Më vjen keq që ju bëmë të kaloni këtë”, ka thënë Allen.
