Trajneri i Ballkanit, Ilir Daja, ka folur pas fitores ndaj Lincoln Red Imps me rezultat 2-0 në kuadër të ndeshjes së parë të turit të tretë kualifikues të Ligës së Konferencës.
Pjesa e parë nuk solli gola, ndërsa në të dytën Ballkani shënoi dy herë. Daja ka treguar se mënyra e lojës ka ndryshuar në pjesën e dytë ku erdhën edhe golat.
“Në një mënyrë morëm atë që deshëm, por maksimumin jo. Por është krejt normale, pasi kemi ndryshime në mënyrën e të luajturit dhe duhet të zëvendësojmë Rrahmanin e Emërllahun”.
“Është e vështirë që kjo të bëhet për një javë. Kemi edhe telashe shëndetësore. Shtatë-tetë lojtarë janë prekur nga temperatura dhe viruset. Por me 2-0 kemi bërë gjysmëhapi të mirë përpara. E rëndësishme është ta mbyllim me kualifikim”.
“Kemi kërkuar mënyrë tjetër të lojës dhe në pjesën e parë kjo nuk funksionoi. Kemi kërkuar ta qarkullojmë topin në mënyrë tjetër. Me fillimin e pjesës së dytë ekipi ka reaguar. Po të ishin më të ftohtë përpara, rezultati ka mundur të jetë edhe më i thellë. Këta kundërshtarë ndryshojnë në shtëpinë e tyre. Nuk kanë shumë kualitete, por luajnë me topa të dytë, topa të gjatë dhe dyluftime të forta”.
“Do të mundohemi të riparojmë dhe të kemi kujdes të bëjmë atë që bëmë në 25 minutat e parë të pjesës së dytë. Tani fokusin e kemi te ndeshja e parë në kampionat dhe më pas do të merremi me ndeshjen e kthimit”, ka thënë Daja pas ndeshjes.
Ballkani luan në transfertë ndaj Lirisë të dielën, ndërsa pas një jave udhëton për në Gjibraltar për ndeshjen e kthimit ndaj Lincoln./Telegrafi/
Trajneri i Ballkanit, Ilir Daja, ka folur pas fitores ndaj Lincoln Red Imps me rezultat 2-0 në kuadër të ndeshjes së parë të turit të tretë kualifikues të Ligës së Konferencës.
Pjesa e parë nuk solli gola, ndërsa në të dytën Ballkani shënoi dy herë. Daja ka treguar se mënyra e lojës ka ndryshuar në pjesën e dytë ku erdhën edhe golat.
“Në një mënyrë morëm atë që deshëm, por maksimumin jo. Por është krejt normale, pasi kemi ndryshime në mënyrën e të luajturit dhe duhet të zëvendësojmë Rrahmanin e Emërllahun”.
“Është e vështirë që kjo të bëhet për një javë. Kemi edhe telashe shëndetësore. Shtatë-tetë lojtarë janë prekur nga temperatura dhe viruset. Por me 2-0 kemi bërë gjysmëhapi të mirë përpara. E rëndësishme është ta mbyllim me kualifikim”.
“Kemi kërkuar mënyrë tjetër të lojës dhe në pjesën e parë kjo nuk funksionoi. Kemi kërkuar ta qarkullojmë topin në mënyrë tjetër. Me fillimin e pjesës së dytë ekipi ka reaguar. Po të ishin më të ftohtë përpara, rezultati ka mundur të jetë edhe më i thellë. Këta kundërshtarë ndryshojnë në shtëpinë e tyre. Nuk kanë shumë kualitete, por luajnë me topa të dytë, topa të gjatë dhe dyluftime të forta”.
“Do të mundohemi të riparojmë dhe të kemi kujdes të bëjmë atë që bëmë në 25 minutat e parë të pjesës së dytë. Tani fokusin e kemi te ndeshja e parë në kampionat dhe më pas do të merremi me ndeshjen e kthimit”, ka thënë Daja pas ndeshjes.
Ballkani luan në transfertë ndaj Lirisë të dielën, ndërsa pas një jave udhëton për në Gjibraltar për ndeshjen e kthimit ndaj Lincoln./Telegrafi/
