Kandidati presidencial i Ekuadorit, Fernando Villavicencio, u vra pas një takimi në kuadër të zgjedhjeve presidenciale në Ekuador.
Gazetari dhe politikani, Villavicencio u qëllua për vdekje nga njerëz të paidentifikuar teksa po dilte nga një shkollë në një lagje veriore të kryeqytetit, Quito.
Disa video që u shfaqën në rrjet e tregojnë Villavicencio-n, teksa ai përshëndet njerëzit, dhe përfundon në një breshëri të shtëna me armë zjarri kur futet në një makinë gri.
Villavicencio, raportojnë burime nga stafi i tij, vdiq disa gjatë transferimit në spitalin Clinica de la Mujer.
Organizata kriminale Los Lobos mori përgjegjësinë për sulmin, dhe kërcënoi edhe kandidatin tjetër Jan Topic: “Ti do të jesh i radhës”.
Kujtojmë se “Los Lobos” është organizata që bë trafikun më të madh drogës, kryesisht të kokainës nga Ekuadori për në Evropë, e cila drejtohet nga trafikantë shqiptarë, rusë dhe spanjollë.
Banda e Ekuadorit Los Lobos merret me sigurinë, logjistikën, ruajtjen, transportin e kokainës si edhe vrasjet.
Kokat e tyre drejtojnë operacionet kriminale në burgje, ku zgjerimi në to ka qenë shumë i shpejtë.
Në shumicën e rasteve kjo organizatë nxjerr përfitimet edhe nga shitja me pakicë e drogës në Ekuador.
Vetëm gjatë vitit të kaluar u kapën 17 tonë kokainë të destinuar për tregun e brendshëm dhe 507 kilogramë heroinë, një tjetër substancë me kërkesë të brendshme në rritje dhe në Shtetet e Bashkuara të Amerikës.
Në një video në Twitter, banda “Los Logos” e lidhur me kartelin e drogës Jalisco kërcënon edhe politikanë të tjerë në vend, përfshirë Jan Topic, i cili kandidon për president.
Në video shfaqen rreth njëzet burra me kapuç, njëri prej tyre lexon një shënim në emër të drejtuesve të grupit dhe paralajmëron popullin ekuadorian se do të marrin masa të forta kundër politikanëve të korruptuar që nuk i mbajnë premtimet e tyre ose nuk përdorin miliona dollarë për të financuar fushatat elektorale.
The post Vrasja e Villavicencio, Los Logos: E kryem ne! Lidhja me shqiptarët appeared first on 27.
