Juventus nuk heq dorë nga pista Nicolò Zaniolo. Sipas Fanatik, në fakt, klubi i Juventusit ka vënë në pjatë 30 milionë euro përfshirë bonuset, shifër kjo afër 35 milionë eurove që është klauzola e përfundimit të kontratës së italianit. Galatasaray, pasi mori Tete nga Shakthar, hap rrugën për shitjen e Zaniolos vetëm 6 muaj pas mbërritjes së tij në Turqi.
Blerja e Tete, një anësor mëmgjërash që luan në të djathtë ashtu si Zaniolo, e bën Galatsaray më fleksibël dhe më të gatshëm për të negociuar.
Ndërkohë, klubi turk, falë fitores 3-0 në Slloveni ndaj Olimpijas së Lubjanës, praktikisht ka siguruar kualifikimin për në turin playoff të Ligës së Kampionëve, por pa Zaniolon, absent për probleme të vogla fizike.
Ish-Romanisti nuk duket më në qendër të projektit turk dhe 30 milionë euro mund të mjaftojnë për të vulosur divorcin.
Juve, megjithatë, fillimisht duhet të shesë dhe më pas të blejë dhe për këtë arsye ky negocim është dorë për dore edhe me marrëveshjen Lukaku-Vlahovic me Chelsean, si dhe vendosjen e tepricave si Zakaria dhe Pellegrini.
Zaniolo do t’i jepte Allegrit një alternativë shtesë në sulm për Allegrin, imagjinatë dhe dinamizëm në shërbim të skuadrës.
Ndërkohë, “Zonja e Vjetër” punon edhe për të afruar marokenin e Fiorentinës, Sofian Amrabat, për të cilin raportohet se nevojiten 25 milionë euro për t’a blerë.
