Kryeministri Edi Rama ka bërë një paralelizëm mes eksodit të shqiptarëve në gusht të 1991 me anije drejt Italisë dhe asaj që po ndodh, sipas tij në 2023, ku italianët po dynden në Shqipëri, si pushues apo duke blerë banesa.
Rama është nisur nga eksodi i 8 gushtit të vitit 1991 ku mijëra shqiptarë u nisën nga brigjet e Durrësit me anijen “Vlora” për një jetë më të mirë drejt Italisë.
Ngjarja është përjetësuar në memorien e shqiptarëve si një histori tragjike e një populli të vuajtur gjatë viteve të diktaturës që linte pas atdheun për të nisur një jetë të re plot sfida e sakrifica në emigracion. Rreth 20 mijë shqiptarë u ndanë me familjarët e tyre atë ditë.
Por per Edi Ramën, sot historia është përmbysur. Ai ka postuar një “meme” që tregon sesi sipas tij kanë ndryshuar kohërat.
Në njërën anë dallohet anija “Vlora” me mijëra shqiptarë dhe në anën tjetër të fotografisë është po e njëjta anije.
Teksti dhe konteksti ndryshon. Majtas shkruhet: “Shqiptarët nisen për në Itali 1991”.
Ndërsa djathtas: “Italianët nisen me anije për një Shqipëri 2023”.
“…dhe prit prit, s’keni parë gjë akoma”, shkruan kryeministri Rama.
Rama i referohet turistëve të shumtë italianë, që zgjedhin vendin tonë për të kaluar pushimet.
Në foto është etiketuar edhe gazeta italiane “Corriere Della Sera”.
Kryeministri Edi Rama ka bërë një paralelizëm mes eksodit të shqiptarëve në gusht të 1991 me anije drejt Italisë dhe asaj që po ndodh, sipas tij në 2023, ku italianët po dynden në Shqipëri, si pushues apo duke blerë banesa.
Rama është nisur nga eksodi i 8 gushtit të vitit 1991 ku mijëra shqiptarë u nisën nga brigjet e Durrësit me anijen “Vlora” për një jetë më të mirë drejt Italisë.
Ngjarja është përjetësuar në memorien e shqiptarëve si një histori tragjike e një populli të vuajtur gjatë viteve të diktaturës që linte pas atdheun për të nisur një jetë të re plot sfida e sakrifica në emigracion. Rreth 20 mijë shqiptarë u ndanë me familjarët e tyre atë ditë.
Por per Edi Ramën, sot historia është përmbysur. Ai ka postuar një “meme” që tregon sesi sipas tij kanë ndryshuar kohërat.
Në njërën anë dallohet anija “Vlora” me mijëra shqiptarë dhe në anën tjetër të fotografisë është po e njëjta anije.
Teksti dhe konteksti ndryshon. Majtas shkruhet: “Shqiptarët nisen për në Itali 1991”.
Ndërsa djathtas: “Italianët nisen me anije për një Shqipëri 2023”.
“…dhe prit prit, s’keni parë gjë akoma”, shkruan kryeministri Rama.
Rama i referohet turistëve të shumtë italianë, që zgjedhin vendin tonë për të kaluar pushimet.
Në foto është etiketuar edhe gazeta italiane “Corriere Della Sera”.
