Ujku kishte bërë një udhëtim rekord. Fillimisht kishte jetuar në Trentino Alto Adige, ishte nisur drejt Zvicrës, dhe më pas përfundoi në Hungari.
Përshkroi pothuajse dy mijë kilometra përpara se të vritej nga një djalë nëntë vjeçar.
Sipas mediave hungareze, policia arrestoi babain e djalit, i cili ishte me djalin gjatë vrasjes së ujkut.
Autoritetet i akuzojnë dy personat për krime kundër mbrojtjes së natyrës dhe për rrezikim të të miturve. Nëntë-vjeçari nuk dënohet sipas ligjit hungarez.
Sipas shoqatës Swiss Wolf Group (Gls), M237, ky është emri i ujkut, që kishte përshkuar distancën më të gjatë të regjistruar ndonjëherë për një ujk në Evropë.
Kafsha ishte e pajisur me një transmetues GPS, por sinjalet u zhdukën papritur në pranverë kur ujku i ri arriti në verilindje të Hungarisë.
