Një zëvendëskomandant dhe një burrë u vranë ndërsa një grua u plagos rëndë gjatë të shtënave me armë zjarri në Louisiana. Zëvendës Marshalli i Ville Platte, Barry Giglio, vdiq në vendngjarje pas disa të shtënave në drejtim të tij.
Giglio u qëllua teksa ndihmonte anëtarët e Zyrës së Sherifit të Famullisë Evangeline të kryenin një urdhër kontrolli në një shtëpi ku dyshohej se kishte drogë, njoftoi Policia e Shtetit të Louisianas.
Një burrë dhe një grua gjithashtu u plagosën me armë zjarri ndërsa u dërguan në spital, por burri nuk mundi t’i mbijetonte plagëve dhe ndërroi jetë, raporton Foxnews.
Një person u arrestua, por autoritetet nuk zbuluan emrat e të dyshuarit dhe viktimave të tjera apo detaje të tjera rreth të shtënave.
“Kjo tragjedi është një tjetër kujtesë e sakrificave që burrat dhe gratë në zbatimin e ligjit bëjnë çdo ditë kur veshin uniformën, duke mos ditur nëse do të kthehen në shtëpi te familjet e tyre në fund të çdo dite”, tha kryetari i bashkisë Platte, Ryan Leday Williams.
The post Vritet zëvendëskomandanti i policisë appeared first on 27.
