Nga Oerd Bylykbashi
Shprehja durrsake është paksa më ndryshe por me të njëjtin kuptim letrar. UKD, ndërmarrja e Ujësjellës Kanalizime Durrës paska falimentuar!
Ky është lajm i keq për durrsakët që ndër vite kanë paguar për ujë, kanë shpresuar se do t’u vijë ujë, e në vend të ujit në rubinet, u ka ardhur rregullisht poshtë derës fatura me çmime të rritura vazhdimisht.
Është lajm i keq sepse mund të përkeqësohet më tej gjendja e furnizimit me ujë mes hedhje-pritjesh transferimi kompetencash, apo gjetje faji “e ka ai, e ka ky”.
Falimenton ndërmarrja e ujësjellësit të qytetit të dytë më të madh në Republikë. Është skandal!
Në 2013 u mor nga qeveria e PD një hua prej 85 milion euro për ujësjellësin, por u tret në zbatim nga qeverisja e PS dhe ujë nuk ka. Pak muaj më parë u mor një hua tjetër prej 60 milion euro për UKD se gjoja do të rriste furnizimin me ujë. Debatova në komisionin e ligjeve për gjendjen skandaloze. Askush nga qeveria nuk tha që UKD po falimenton. Në fushatën e 14 majit ishte temë e fushatës keqadministrimi nga Bashkia Durrës e ujësjellësit.
Por UKD ngordhi në derë të bankës dhe sapo kaloi pragun e 14 majit, kur shërbeu si instrument për grabitjen e zgjedhjeve.
Audituesit drejtojnë gishtin nga Bashkia dhe menaxhimi i UKD për keqadministrim. Dy gjëra ka bërë me sukses pushteti socialist me UKD:
1- ka akumuluar borxhe pa fund duke falimentuar UKD;
2- ka mjelë UKD si lopë elektorale.
Në çdo fushatë, edhe më 14 maj 2023, PS e ka përdorur UKD për qindra punësime elektorale në këmbm të votës së familjeve të të punësuarve dhe kryerje investimesh si arnime sipas orientimit të patronazhistëve për të blerë votat e një rrugice apo lagjeje. Po të mos kishte zgjedhje nuk kishte investime/arnime.
Ja ku jemi sot. Përgjegjësia për këtë falimentim nuk është thjesht administrative për menaxhimin apo civile për borxhet dhe detyrimet. Është edhe penale, nqs ka prokurori, veçanërisht nëse falimentimi i ujësjellësit të qytetit të dytë më të madh ka qenë i qëllimshëm për të varrosur me një procedurë falimentimi zullumet qeverisjes socialiste, në kurriz të parave të durrsakëve që në vend të ujit marrin korrupsionin.
Nga Oerd Bylykbashi
Shprehja durrsake është paksa më ndryshe por me të njëjtin kuptim letrar. UKD, ndërmarrja e Ujësjellës Kanalizime Durrës paska falimentuar!
Ky është lajm i keq për durrsakët që ndër vite kanë paguar për ujë, kanë shpresuar se do t’u vijë ujë, e në vend të ujit në rubinet, u ka ardhur rregullisht poshtë derës fatura me çmime të rritura vazhdimisht.
Është lajm i keq sepse mund të përkeqësohet më tej gjendja e furnizimit me ujë mes hedhje-pritjesh transferimi kompetencash, apo gjetje faji “e ka ai, e ka ky”.
Falimenton ndërmarrja e ujësjellësit të qytetit të dytë më të madh në Republikë. Është skandal!
Në 2013 u mor nga qeveria e PD një hua prej 85 milion euro për ujësjellësin, por u tret në zbatim nga qeverisja e PS dhe ujë nuk ka. Pak muaj më parë u mor një hua tjetër prej 60 milion euro për UKD se gjoja do të rriste furnizimin me ujë. Debatova në komisionin e ligjeve për gjendjen skandaloze. Askush nga qeveria nuk tha që UKD po falimenton. Në fushatën e 14 majit ishte temë e fushatës keqadministrimi nga Bashkia Durrës e ujësjellësit.
Por UKD ngordhi në derë të bankës dhe sapo kaloi pragun e 14 majit, kur shërbeu si instrument për grabitjen e zgjedhjeve.
Audituesit drejtojnë gishtin nga Bashkia dhe menaxhimi i UKD për keqadministrim. Dy gjëra ka bërë me sukses pushteti socialist me UKD:
1- ka akumuluar borxhe pa fund duke falimentuar UKD;
2- ka mjelë UKD si lopë elektorale.
Në çdo fushatë, edhe më 14 maj 2023, PS e ka përdorur UKD për qindra punësime elektorale në këmbm të votës së familjeve të të punësuarve dhe kryerje investimesh si arnime sipas orientimit të patronazhistëve për të blerë votat e një rrugice apo lagjeje. Po të mos kishte zgjedhje nuk kishte investime/arnime.
Ja ku jemi sot. Përgjegjësia për këtë falimentim nuk është thjesht administrative për menaxhimin apo civile për borxhet dhe detyrimet. Është edhe penale, nqs ka prokurori, veçanërisht nëse falimentimi i ujësjellësit të qytetit të dytë më të madh ka qenë i qëllimshëm për të varrosur me një procedurë falimentimi zullumet qeverisjes socialiste, në kurriz të parave të durrsakëve që në vend të ujit marrin korrupsionin.
