Digjet për të katërtën ditë, trageti me 3.783 makina në bord (VIDEO) –

Prej katër ditësh, zjarri është jashtë kontrollit në tragetin Fremantle Highway në Balltik në brigjet holandeze.

Anija transporton 3.783 makina, nga të cilat rreth 500 janë elektrike. Autoritetet, të cilët dëshirojnë të shpresojnë se në ditët në vijim zjarri në anije do të shuhet para se të fundoset, thonë se zjarri ka shumë të ngjarë të ketë nisur nga një prej automjeteve elektrike që ajo mban.

Një anëtar i ekuipazhit ka vdekur dhe pjesa tjetër e ekuipazhit ka braktisur anijen. Mund të duhen ditë për të frenuar zjarrin, pasi bateritë e makinave elektrike ndizen me zjarre që janë të temperaturave më të larta (dy herë) dhe me kohëzgjatje më të madhe se ato konvencionale, ndërkohë që janë të vështira për t’u shuar, me rrezikun që kur të bëhet kjo, të përfshihen sërish nga flakët.

Zjarri në Fremantle dhe pranimi i autoriteteve se nuk mund ta vënë nën kontroll për shkak të baterive litium-jon që mbajnë makinat, rikthen në plan të parë një çështje të madhe që shqetëson shumë kompani transporti dhe jo vetëm në mbarë botën: Elektrike makinat, kur përfundojnë në flakë, ato nuk shuhen me metoda “tradicionale”, si përdorimi i ujit, mungesa e oksigjenit, edhe nëse zhyten në det.

Shkaku i zjarrit, ndonëse ende nuk është përcaktuar zyrtarisht, ka ngritur pikëpyetje se “çfarë pikash qorre ekzistojnë gjatë transportit të makinave elektrike me bateri – të cilat kur marrin flakë, nuk mund të shuhen me ujë e as me mungesë oksigjeni, thotë zëdhënësi i Shoqatës Mbretërore Hollandeze të Pronarëve të Anijeve (KVNR), Nathan Hubers.

De #FremantleHighway is al het tweede schip dat in brand staat door onblusbare elektrische wagens. In 2022 gebeurde dat eerder al. Zie video.https://t.co/llsAgbtpNb pic.twitter.com/Tgx9V8xcki

— Koen Godderis (@koengodderis) July 26, 2023

Ky nuk është zjarri i parë i tillë. Vetëm shkurtin e kaluar, trageti Felicity Ace me rreth 4,000 makina shpërtheu në flakë dhe u mbyt në Atlantikun perëndimor të Portugalisë, me zjarrin që besohet të jetë shkaktuar nga bateria e një prej automjeteve elektrike të ngarkesës së saj.