Ka mbërritur në aeroportin ndërkombëtar të Rinasit, kardinali Ernest Troshani, i cili është pritur nga kryeministri Edi Rama si dhe përfaqësues të Kishës Katolike në vend.
Troshani është shqiptari i dytë që shpallet kardinal nga Papa.
Troshani: Bashkëpunim me veprat tona për të mirën dhe për përhapjen e vëllazërisë me njëri-tjetrin. Zoti pastë mëshirë për të gjithë dhe shpërblimi është për të gjithë.
Ai deklaroi se nuk i kishte shkuar ndërmend se do të bëhej kardinal, ndërsa dërgoi edhe një mesazh për shqiptarët.
Troshani: O Zot, shëndet dhe men’ për të gjithë për një qëllim të shenjtë, për të mirën e të gjithë vëllezërve, për rimëkëmbjen e popullit shqiptar. Veprat e mira e ndjekin shpirtin ngado që shkon.
Papa Françesku e shpalli atë kardinal në meshën e së djelës.
