Gjendja jo e mirë financiare që po kalon klubi i futbollit të Kukësit ka bërë që në sipërfaqe të dalin biznesmenë të rinj, vendas dhe nga qytete të tjera, që duan të investojnë në klubin një-herë kampion të Shqipërisë.
Mirëpo, deri më tani familja Gjici, e cila gëzon mazhorancën absolute, nuk ka pranuar ofertat e bëra.
Mediat shqiptare kanë mësuar se interesimi ka qenë konkret nga disa palë dhe bëhet fjalë për investitorë të fuqishëm në vend, që duan të hyjnë në tregun e futbollit dhe e shohin Kukësin si një mundësi më të mirë investimi.
Njëra prej këtyre kompanive është edhe ajo e miellit “Atlas”, të cilën e zotëron familja Domi, që është me origjinë nga qyteti i Kukësit.
Gjasat janë të mëdha, që në ditët në vijim të kemi diçka konkrete, paçka se familja Gjici ka kërkesat e veta për shitjen./PanoramaSport
The post Biznesmeni shqiptar shumë pranë blerejs së FK Kukësi? appeared first on 27.
