Kryebashkiaku i Tiranës, Erion Veliaj, është marrë në pyetje në SPAK nga prokurorët që po hetojnë çështjen e inceneratorit të Tiranës.
Nga burime konfidenciale, Gijotina.com, mëson se Kryebashkiaku ka hyrë në SPAK në orët e pasdites dhe për plot 4 orë ka dhënë shpjegime në Prokurorinë e Posaçme, lidhur me procedurat e ndjekura nga Bashkia e Tiranës, por edhe ai vetë, përsa i takon inceneratorit të Tiranës.
Burimet konfirmojnë se Veliaj është pyetur lidhur me njohjet që ka me ata që konsiderohen si “bosët” e inceneratorëve, Klodian Zoto, Mirel Mërtiri dhe Stela Gugallja, sikundër është pyetur mbi procedurat që janë ndjekur për inceneratorin e Tiranës.
Ende nuk dihet se me çfarë statusi në raport me hetimin, Prokurorët e SPAK kanë thirrur Erion Veliajn, i cili deri më sot konsiderohej si ndër personazhet e paprekshëm nga drejtësia.
Nga ajo që është deklaruar dhe denoncuar është se në Tiranë nuk ka një incenerator, megjithëse vijojnë pagesat ditore te pronarët e tij.
Gjatë fushatës për mandatin e 3-të, Veliaj tha se nuk mbante asnjë përgjegjësi se çfarë ndodhte brenda inceneratorit, pasi detyra e tij dhe institucionit që drejton, përfundon në momentin që mbetjet kalojnë portën e inceneratorit.
Në Komisionin Hetimor për inceneratorët, Erion Veliaj tha se kishte dhënë miratimin vetëm “parimisht” dhe se Këshilli Bashkiak e kishte miratuar më vonë kontratën, një deklaratë që u konsiderua e gënjeshtërt”.
Erion Veliaj referuar dokumenteve që janë publikuar është shprehur parimisht dakort lidhur me projektin e inceneratorit.
Emri i Kryebashkiakut të Tiranës, i cili në 14 maj, morri mandatin e 3-të, ka dalë edhe në dosjen që SPAK depozitoi në Kuvend, kur kërkonte autorizimin për arrestimin e Arben Ahmetajt, deputet i PS-së, dhe ish-zv.Kryeministër i Edi Ramës.
Kreu i SPAK, Altin Dumani, gjatë seancës me dyer të mbyllura, u pyet nëse po hetohej ose jo Kryebashkiaku Veliaj, por përgjigjia e tij ishte “nuk nxjerrim sekretin hetimor”.
Referuar asaj çka është publikuar deri më sot, rezulton se në janar të vitit 2016, kryetari i Bashkisë së Tiranës, Erion Veliaj i dërgoi një propozim qeverisë për mundësinë e përfshirjes së sektorit privat në fushën e menaxhimit dhe trajtimit të mbetjeve urbane të kryeqytetit, përmes një kontrate të partneritetit publik-privat, PPP.
Përmes një shkrese të dërguar në adresë të ministrit të atëhershëm të Financave, Shkëlqim Cani, Veliaj e mbështet idenë në një studim fizibiliteti të hartuar nga Korporata Financiare Ndërkombëtare, IFC, për PPP dhe një studim të Korporatës Ndërkombëtare Japoneze, JICA, për zgjerimin e venddepozitmit të mbetjeve në Sharrë.
“…kërkohet miratimi i Ministrisë së Financave për këtë nismë, e cila do të sigurojë një shërbim cilësor dhe sipas standardeve europiane për qytetarët dhe mjedisin në Tiranë,” thuhet në shkresën e kryebashkiakut Veliaj, raportonte BIRN.
Kryebashkiaku Veliaj ka mohuar publikisht në të shkuarën se ka pasur rol aktiv në procedurat e koncesionit të mbetjeve në Tiranë, por dokumentet hetimore të Prokurorisë së Posaçme, sipas publikimeve, tregojnë se Veliaj ishte nismëtari i këtij projekti dhe se propozimi i tij i hapi dritën jeshile koncesionit të inceneratorit të Tiranës.
Erion Veliaj është paditur në SPAK për disa çështje, përfshi edhe shembjen e Teatrit Kombëtar, por edhe tenderat e shumtë të zhvilluar nga Bashkia e Tiranës. Nuk dihet nëse SPAK do të thellojë hetimet ndaj Kryebashkiakut, por me thirrjen e tij në Prokurorinë Speciale dhe qëndrimin prej 4 orësh para hetuesve të BKH dhe prokurorëve, duket se është thyer “miti” i paprekshmërisë.
Kryebashkiaku i Tiranës, Erion Veliaj, është marrë në pyetje në SPAK nga prokurorët që po hetojnë çështjen e inceneratorit të Tiranës.
Nga burime konfidenciale, Gijotina.com, mëson se Kryebashkiaku ka hyrë në SPAK në orët e pasdites dhe për plot 4 orë ka dhënë shpjegime në Prokurorinë e Posaçme, lidhur me procedurat e ndjekura nga Bashkia e Tiranës, por edhe ai vetë, përsa i takon inceneratorit të Tiranës.
Burimet konfirmojnë se Veliaj është pyetur lidhur me njohjet që ka me ata që konsiderohen si “bosët” e inceneratorëve, Klodian Zoto, Mirel Mërtiri dhe Stela Gugallja, sikundër është pyetur mbi procedurat që janë ndjekur për inceneratorin e Tiranës.
Ende nuk dihet se me çfarë statusi në raport me hetimin, Prokurorët e SPAK kanë thirrur Erion Veliajn, i cili deri më sot konsiderohej si ndër personazhet e paprekshëm nga drejtësia.
Nga ajo që është deklaruar dhe denoncuar është se në Tiranë nuk ka një incenerator, megjithëse vijojnë pagesat ditore te pronarët e tij.
Gjatë fushatës për mandatin e 3-të, Veliaj tha se nuk mbante asnjë përgjegjësi se çfarë ndodhte brenda inceneratorit, pasi detyra e tij dhe institucionit që drejton, përfundon në momentin që mbetjet kalojnë portën e inceneratorit.
Në Komisionin Hetimor për inceneratorët, Erion Veliaj tha se kishte dhënë miratimin vetëm “parimisht” dhe se Këshilli Bashkiak e kishte miratuar më vonë kontratën, një deklaratë që u konsiderua e gënjeshtërt”.
Erion Veliaj referuar dokumenteve që janë publikuar është shprehur parimisht dakort lidhur me projektin e inceneratorit.
Emri i Kryebashkiakut të Tiranës, i cili në 14 maj, morri mandatin e 3-të, ka dalë edhe në dosjen që SPAK depozitoi në Kuvend, kur kërkonte autorizimin për arrestimin e Arben Ahmetajt, deputet i PS-së, dhe ish-zv.Kryeministër i Edi Ramës.
Kreu i SPAK, Altin Dumani, gjatë seancës me dyer të mbyllura, u pyet nëse po hetohej ose jo Kryebashkiaku Veliaj, por përgjigjia e tij ishte “nuk nxjerrim sekretin hetimor”.
Referuar asaj çka është publikuar deri më sot, rezulton se në janar të vitit 2016, kryetari i Bashkisë së Tiranës, Erion Veliaj i dërgoi një propozim qeverisë për mundësinë e përfshirjes së sektorit privat në fushën e menaxhimit dhe trajtimit të mbetjeve urbane të kryeqytetit, përmes një kontrate të partneritetit publik-privat, PPP.
Përmes një shkrese të dërguar në adresë të ministrit të atëhershëm të Financave, Shkëlqim Cani, Veliaj e mbështet idenë në një studim fizibiliteti të hartuar nga Korporata Financiare Ndërkombëtare, IFC, për PPP dhe një studim të Korporatës Ndërkombëtare Japoneze, JICA, për zgjerimin e venddepozitmit të mbetjeve në Sharrë.
“…kërkohet miratimi i Ministrisë së Financave për këtë nismë, e cila do të sigurojë një shërbim cilësor dhe sipas standardeve europiane për qytetarët dhe mjedisin në Tiranë,” thuhet në shkresën e kryebashkiakut Veliaj, raportonte BIRN.
Kryebashkiaku Veliaj ka mohuar publikisht në të shkuarën se ka pasur rol aktiv në procedurat e koncesionit të mbetjeve në Tiranë, por dokumentet hetimore të Prokurorisë së Posaçme, sipas publikimeve, tregojnë se Veliaj ishte nismëtari i këtij projekti dhe se propozimi i tij i hapi dritën jeshile koncesionit të inceneratorit të Tiranës.
Erion Veliaj është paditur në SPAK për disa çështje, përfshi edhe shembjen e Teatrit Kombëtar, por edhe tenderat e shumtë të zhvilluar nga Bashkia e Tiranës. Nuk dihet nëse SPAK do të thellojë hetimet ndaj Kryebashkiakut, por me thirrjen e tij në Prokurorinë Speciale dhe qëndrimin prej 4 orësh para hetuesve të BKH dhe prokurorëve, duket se është thyer “miti” i paprekshmërisë.
