Një çift nga Florida kishte dhjetë vite që përpiqej të bënte fëmijë, por pa sukses. Sigurisht, ai nuk e kishte imagjinuar asnjëherë, që një vajzë do të vinte papritur në jetën e tij, si një dhuratë nga Zoti.
Burri punon si zjarrfikës. Më 2 janar ai ishte në turnin e natës kur befas, dëgjoi një alarm: jo për një zjarr, por një foshnjë që ishte braktisur në “Safe Haven Baby Box”, jashtë stacionit.
Kjo kuti e veçantë është në vetvete një histori tjetër interesante: Është iniciativa e një gruaje, Monica Kelsey, e cila vetë ishte një foshnjë e braktisur, për të vendosur 150 “fole” të tilla, me kushte të kontrolluara, në vende të ndryshme në SHBA, në mënyrë që nëse një prind vendos që nuk mund ta rrisë fëmijën e tij, të paktën ta lërë në një mjedis të sigurt.
Duke iu rikthyer historisë së zjarrfikësit – i cili zgjodhi të mbetej anonim në intervistat e mediave – në fillim mendoi se alarmi kishte rënë, por kur shkoi të hapte kutinë, gjeti një fëmijë brenda, të mbështjellë me një batanije rozë.
“Ajo kishte një shishe të vogël me vete dhe ishte e ftohtë, kujton ai. “E përqafova, u pamë në sy dhe kaq, e kam dashur që nga ai moment”
Kur e çoi foshnjën në spital, ai dhe gruaja e tij kërkuan menjëherë ta birësonin, duke përshkruar luftën e tyre dhjetëvjeçare për t’u bërë prindër. Pas dy ditë agonie, vajza e vogël e quajtur Zoey shkoi të jetonte me ta, për t’u birësuar zyrtarisht në prill.
Arsyeja pse zjarrfikësi vendosi të ndajë historinë e tij është t’i bëjë të ditur nënës biologjike të Zoey “që fëmija i saj gëzon kujdes dhe dashuri të papërshkrueshme”.
“Ne jemi shumë të lumtur që ndihmojmë në mbrojtjen e fëmijëve të braktisur” tha Monica Kelsey. Vini re se “foletë” e Safe Haven Baby Box janë vendosur jashtë spitaleve dhe stacioneve të zjarrit. Deri më tani ata kanë ndihmuar në shpëtimin e të paktën 31 foshnjave në të gjithë vendin.
Një çift nga Florida kishte dhjetë vite që përpiqej të bënte fëmijë, por pa sukses. Sigurisht, ai nuk e kishte imagjinuar asnjëherë, që një vajzë do të vinte papritur në jetën e tij, si një dhuratë nga Zoti.
Burri punon si zjarrfikës. Më 2 janar ai ishte në turnin e natës kur befas, dëgjoi një alarm: jo për një zjarr, por një foshnjë që ishte braktisur në “Safe Haven Baby Box”, jashtë stacionit.
Kjo kuti e veçantë është në vetvete një histori tjetër interesante: Është iniciativa e një gruaje, Monica Kelsey, e cila vetë ishte një foshnjë e braktisur, për të vendosur 150 “fole” të tilla, me kushte të kontrolluara, në vende të ndryshme në SHBA, në mënyrë që nëse një prind vendos që nuk mund ta rrisë fëmijën e tij, të paktën ta lërë në një mjedis të sigurt.
Duke iu rikthyer historisë së zjarrfikësit – i cili zgjodhi të mbetej anonim në intervistat e mediave – në fillim mendoi se alarmi kishte rënë, por kur shkoi të hapte kutinë, gjeti një fëmijë brenda, të mbështjellë me një batanije rozë.
“Ajo kishte një shishe të vogël me vete dhe ishte e ftohtë, kujton ai. “E përqafova, u pamë në sy dhe kaq, e kam dashur që nga ai moment”
Kur e çoi foshnjën në spital, ai dhe gruaja e tij kërkuan menjëherë ta birësonin, duke përshkruar luftën e tyre dhjetëvjeçare për t’u bërë prindër. Pas dy ditë agonie, vajza e vogël e quajtur Zoey shkoi të jetonte me ta, për t’u birësuar zyrtarisht në prill.
Arsyeja pse zjarrfikësi vendosi të ndajë historinë e tij është t’i bëjë të ditur nënës biologjike të Zoey “që fëmija i saj gëzon kujdes dhe dashuri të papërshkrueshme”.
“Ne jemi shumë të lumtur që ndihmojmë në mbrojtjen e fëmijëve të braktisur” tha Monica Kelsey. Vini re se “foletë” e Safe Haven Baby Box janë vendosur jashtë spitaleve dhe stacioneve të zjarrit. Deri më tani ata kanë ndihmuar në shpëtimin e të paktën 31 foshnjave në të gjithë vendin.
