Çështja e mandatit të deputetes Olta Xhaçka pritet të shqyrtohet në vjeshtë nga Këshilli i Mandateve dhe Imunitete në Kuvendin e Shqipërisë. Kjo të paktën referuar afateve dhe procedurave parlamentare, të cilat në rastin e ministres Xhaçka janë zvarritur duke treguar qartazi vendosmërinë e mazhorancës socialiste për të mbrojtur deri në fund anëtaren e grupit parlamentar të PS-së.
Opozita kërkon ndërprerjen e mandatit për deputeten Xhaçka duke e lidhur këtë me faktin se bashkëshorti i saj si biznesmen është shpallur “investitor strategjik” nga Qeveria. Dhe kjo sipas opozitës është papajtueshmëri me mandatin e Xhaçkës si deputete.
Fillimisht socialist rrëzuan me vota çdo pretendim opozitar, por deputetë të saj iu drejtuan Gjykatës Kushtetuese, e cila në një vendim e konsideron të paligjshëm qëndrimi e Kuvendit për të bllokuar dërgimin e çështjes për shqyrtim në këtë gjykatë.
Me pak fjalë, Kushtetuesja kërkon që interpretimin për vlefshmërinë e mandatit të deputetes Xhaçka të mos e vendosë Kuvendi, por ti kalohet Gjykatës.
Pas vendimit të Kushtetueses, socialistët sërisht tentuan të zvarrisin procesin dhe për të çuar deri në fund lojën, kërkuan një ekspert të jashtëm që do të interpretonte pikërisht vendimin e Gjykatës.
Eksperti që dha konkluzionet e tij është Krenar Loloçi, i cili prerazi tha se “Vendimi i Kushtetueses është i detyrueshëm dhe Kuvendi duhet të marrë masat ta zbatojë atë, siç ka vepruar edhe më parë kur kjo Gjykatë është shprehur me vendim”.
Sipas A2 CNN, raporti i ekspertit, rrëzon në thelb pengesat që ngritën socialistët për muaj me radhë.
Pyetjet e kryetares së komisionit të ligjeve, Klotilda Bushka, nëse nevojitet ndryshimi paraprak i Kushtetutës me pretendimet se neni 70 ka përplasje në dy pika të tij, mori përgjigje negative nga eksperti.
As tentativa tjetër e socialistes Bushka për të mbrojtur ministren e Jashtme, duke ngritur pikëpyetje mbi nenet 66 dhe 66/a të ligjit për funksionimin e Kushtetueses, ku përcaktohen subjektet dhe afatet të cilat vënë në lëvizje Gjykatën nuk u përkrah nga eksperti.
“Ndryshime ose shtesa ligjore në Ligjin për organizimin dhe funksionimin e Gjykatës Kushtetuese, që janë reflektim i drejtpërdrejt i këtyre neneve të Kushtetutës, nuk do të sillnin ndonjë ndryshim në praktikën gjyqësore të Gjykatës Kushtetuese ose, me fjalë të tjera, nuk do të ishin më imponuese për gjykatën se sa vetë nenet e Kushtetutës”, tha eksperti.
Dhe pas shpjegimeve të bëra nga eksperti i jashtëm, duket se socialistët kanë arritur të fitojnë kohë, duke mbrojtur deputeten Xhaçka për të paktën 1 vit, nga momenti kur opozita kërkoi ndërprerjen e mandatit të saj.
Në vjeshtë, Këshilli i Mandateve duhet të marrë një vendim në përputhje me vendimin e Kushtetueses, e cila më pas duket se do të ketë në dorë “topin” për të dhënë verdiktin final. Në të paktën dy raste të mëparshme, deputetë të Kuvendit kanë humbur mandatet për shkak të papajtueshmërisë me Kushtetutën dhe shkaku ka qenë pothuajse i njëjtë: përfitim fondesh apo benefite të tjera nga Qeveria.
Dhe mandati i Xhaçkës mund të jetë një tjetër provë për pavarësinë e Kushtetueses, e cila në disa prej rasteve të fundit, të paktën edhe sipas deklaratave zyrtare të deputetëve të opozitës, është sjellë si çertifikuese e vendimeve të Qeverisë.
Çështja e mandatit të deputetes Olta Xhaçka pritet të shqyrtohet në vjeshtë nga Këshilli i Mandateve dhe Imunitete në Kuvendin e Shqipërisë. Kjo të paktën referuar afateve dhe procedurave parlamentare, të cilat në rastin e ministres Xhaçka janë zvarritur duke treguar qartazi vendosmërinë e mazhorancës socialiste për të mbrojtur deri në fund anëtaren e grupit parlamentar të PS-së.
Opozita kërkon ndërprerjen e mandatit për deputeten Xhaçka duke e lidhur këtë me faktin se bashkëshorti i saj si biznesmen është shpallur “investitor strategjik” nga Qeveria. Dhe kjo sipas opozitës është papajtueshmëri me mandatin e Xhaçkës si deputete.
Fillimisht socialist rrëzuan me vota çdo pretendim opozitar, por deputetë të saj iu drejtuan Gjykatës Kushtetuese, e cila në një vendim e konsideron të paligjshëm qëndrimi e Kuvendit për të bllokuar dërgimin e çështjes për shqyrtim në këtë gjykatë.
Me pak fjalë, Kushtetuesja kërkon që interpretimin për vlefshmërinë e mandatit të deputetes Xhaçka të mos e vendosë Kuvendi, por ti kalohet Gjykatës.
Pas vendimit të Kushtetueses, socialistët sërisht tentuan të zvarrisin procesin dhe për të çuar deri në fund lojën, kërkuan një ekspert të jashtëm që do të interpretonte pikërisht vendimin e Gjykatës.
Eksperti që dha konkluzionet e tij është Krenar Loloçi, i cili prerazi tha se “Vendimi i Kushtetueses është i detyrueshëm dhe Kuvendi duhet të marrë masat ta zbatojë atë, siç ka vepruar edhe më parë kur kjo Gjykatë është shprehur me vendim”.
Sipas A2 CNN, raporti i ekspertit, rrëzon në thelb pengesat që ngritën socialistët për muaj me radhë.
Pyetjet e kryetares së komisionit të ligjeve, Klotilda Bushka, nëse nevojitet ndryshimi paraprak i Kushtetutës me pretendimet se neni 70 ka përplasje në dy pika të tij, mori përgjigje negative nga eksperti.
As tentativa tjetër e socialistes Bushka për të mbrojtur ministren e Jashtme, duke ngritur pikëpyetje mbi nenet 66 dhe 66/a të ligjit për funksionimin e Kushtetueses, ku përcaktohen subjektet dhe afatet të cilat vënë në lëvizje Gjykatën nuk u përkrah nga eksperti.
“Ndryshime ose shtesa ligjore në Ligjin për organizimin dhe funksionimin e Gjykatës Kushtetuese, që janë reflektim i drejtpërdrejt i këtyre neneve të Kushtetutës, nuk do të sillnin ndonjë ndryshim në praktikën gjyqësore të Gjykatës Kushtetuese ose, me fjalë të tjera, nuk do të ishin më imponuese për gjykatën se sa vetë nenet e Kushtetutës”, tha eksperti.
Dhe pas shpjegimeve të bëra nga eksperti i jashtëm, duket se socialistët kanë arritur të fitojnë kohë, duke mbrojtur deputeten Xhaçka për të paktën 1 vit, nga momenti kur opozita kërkoi ndërprerjen e mandatit të saj.
Në vjeshtë, Këshilli i Mandateve duhet të marrë një vendim në përputhje me vendimin e Kushtetueses, e cila më pas duket se do të ketë në dorë “topin” për të dhënë verdiktin final. Në të paktën dy raste të mëparshme, deputetë të Kuvendit kanë humbur mandatet për shkak të papajtueshmërisë me Kushtetutën dhe shkaku ka qenë pothuajse i njëjtë: përfitim fondesh apo benefite të tjera nga Qeveria.
Dhe mandati i Xhaçkës mund të jetë një tjetër provë për pavarësinë e Kushtetueses, e cila në disa prej rasteve të fundit, të paktën edhe sipas deklaratave zyrtare të deputetëve të opozitës, është sjellë si çertifikuese e vendimeve të Qeverisë.
