Nga Gjergji Koja
Në vitin 2012 nisi projekti për burgun e Reçit. Punimet u zgjatën, Bashkimi Europian zgjidhi qesen dhe shuma e investuar në atë që do të konceptohej si vendi ku do të mblidheshin “peshqit e mëdhenj” që shkelnin ligjin arriti në mbi 14 mln euro.
Nëse i referoheni artikujve të botuar në media para 7 apo 8 vitesh, më shumë reklamë i bëhej burgut në Reç se çdo bukurie natyrore apo turistike të vendit. Entuziazmi ishte aq i lartë sa me detaje përshkruhej se si ishte ndërtuar ky burg, çfarë sigurie kishte, si do rekrutohej personeli, si do kalonin në sitën e vetting ata që do shërbenin, madje flitej edhe për qelitë “VIP” që krahasoheshin me ato të Hagës dhe që do ishin “banesat” e reja pa qera, të zyrtarëve të lartë, që në gjuhën diplomatike etiketoheshin si “peshkaqenë”.
Në vitin 2018, kohë kur u inaugurua edhe ky burg, ministrja e Drejtësisë e asaj kohe, Etilda Gjonaj, ia kaloi topin gjykatës, kur u pyet nëse të burgosurit “VIP” do të shlyenin dënimin si “banorë” të Reçit.
“Ky burg do të jetë si të gjithë burgjet e tjera. Për sa kohë që do të ketë një seksion të sigurisë e lartë dhe një tjetër të sigurisë së zakonshme. Gjykata do të vendosë nëse do ta sjellë në Shkodër në seksion të sigurisë së lartë, apo në seksion të sigurisë së zakonshme” , tha Gjonaj.
Ndërkohë, ambasadorja e asaj periudhe e BE-së në Tiranë, Romana Vlahutin, do të shprehej “sundimi i ligjit është në thelb të partneritetit dhe dialogut tonë politik dhe është po aq në qendër të mbështetjes që Bashkimi Europian i jep Shqipërisë. Është në thelb të asaj që qytetarët shqiptarë kërkojnë nga autoritetet”.
Të gjitha deklaratat bëheshin në një kohë kur kishte nisur zbatimi i reformës në drejtësi, pritshmëritë ndaj së cilës mbeten ende të larta për goditjen penale ndaj atyre që janë konsideruar si të “paprekshëm” nga ajo që quhej “drejtësia e vjetër”.
Pra paralelisht me reformën, në shqip dhe në anglisht, nisi injektimi i shpresës për shqiptarët që mbeten ende të dëshiruar të shohin para drejtësisë ata që abuzojnë me taksat e tyre, me pushtetin, që shkelin ligjin, që rrëmbejnë pasuri e prona etj etj.
Në fakt reforma nisi dhe u bitis, disa thonë se vijon ende, duke qenë se shumë gjyqtarë e prokurorë janë në fazën e Vetting, por institucionet e drejtësisë së re, jo vetëm u ngritën, por shumë prej atyre që u ulën për herë të parë në karriget e reja të godinave po kaq të reja, përfunduan edhe mandatet. Dikush la një gjurmë, dikush tjetër u akomodua në një tjetër institucion, dikush vijon të “vjelë” frutet e karriges ku është ulur, ambasadorët përfunduan mandatin, dhe sërisht burgu i Reçit nuk ka pritur ende “peshkaqenët”.
SPAK, thonë se ka në proces dosje e hetime, here pas here njerëz të veshur me kostum politik kalojnë pragun e derës së Prokurorisë Speciale, dhe ndoshta mes tyre në ato dosjet që punohet pa u ndier mund të ketë edhe “peshkaqenë”.
Deri më sot ato që kanë përfunduar me pranga si pjesë e komisioneve të tenderave, janë cironka që nuk meritojnë ndoshta “luksin e apartamenteve speciale” në Reç.
Madje as ish-ministri i Brendshëm, i dënuar për shpërdorim detyre, nuk pati “fatin” ta vizitojë Reçin, pasi Gjykata i caktoi ta kryente dënimin në Fier.
Të tjerë që janë në pritje të vendimeve të Gjykatës Speciale janë akomoduar në paraburgimin e Durrësit, që së fundmi numëron ndoshta numrin më të lartë të personazheve “VIP”, deri dje të veshur me imunitet politik.
Me siguri që edhe këta, nëse shpallen fajtorë nuk do të kenë “fatin” të jenë banorë të “apartamenteve” të Reçit.
Ky i fundit i është shtuar prej vitesh listës së institucioneve të vuajtjes së dënimit, ka shërbyer edhe për punësimin e rreth 400 personave, është populluar deri diku me ata që janë dënuar për vepra të ndryshme, por ende s´ka pritur personazhet për të cilën mori famën dhe u reklamua.
Nga Gjergji Koja
Në vitin 2012 nisi projekti për burgun e Reçit. Punimet u zgjatën, Bashkimi Europian zgjidhi qesen dhe shuma e investuar në atë që do të konceptohej si vendi ku do të mblidheshin “peshqit e mëdhenj” që shkelnin ligjin arriti në mbi 14 mln euro.
Nëse i referoheni artikujve të botuar në media para 7 apo 8 vitesh, më shumë reklamë i bëhej burgut në Reç se çdo bukurie natyrore apo turistike të vendit. Entuziazmi ishte aq i lartë sa me detaje përshkruhej se si ishte ndërtuar ky burg, çfarë sigurie kishte, si do rekrutohej personeli, si do kalonin në sitën e vetting ata që do shërbenin, madje flitej edhe për qelitë “VIP” që krahasoheshin me ato të Hagës dhe që do ishin “banesat” e reja pa qera, të zyrtarëve të lartë, që në gjuhën diplomatike etiketoheshin si “peshkaqenë”.
Në vitin 2018, kohë kur u inaugurua edhe ky burg, ministrja e Drejtësisë e asaj kohe, Etilda Gjonaj, ia kaloi topin gjykatës, kur u pyet nëse të burgosurit “VIP” do të shlyenin dënimin si “banorë” të Reçit.
“Ky burg do të jetë si të gjithë burgjet e tjera. Për sa kohë që do të ketë një seksion të sigurisë e lartë dhe një tjetër të sigurisë së zakonshme. Gjykata do të vendosë nëse do ta sjellë në Shkodër në seksion të sigurisë së lartë, apo në seksion të sigurisë së zakonshme” , tha Gjonaj.
Ndërkohë, ambasadorja e asaj periudhe e BE-së në Tiranë, Romana Vlahutin, do të shprehej “sundimi i ligjit është në thelb të partneritetit dhe dialogut tonë politik dhe është po aq në qendër të mbështetjes që Bashkimi Europian i jep Shqipërisë. Është në thelb të asaj që qytetarët shqiptarë kërkojnë nga autoritetet”.
Të gjitha deklaratat bëheshin në një kohë kur kishte nisur zbatimi i reformës në drejtësi, pritshmëritë ndaj së cilës mbeten ende të larta për goditjen penale ndaj atyre që janë konsideruar si të “paprekshëm” nga ajo që quhej “drejtësia e vjetër”.
Pra paralelisht me reformën, në shqip dhe në anglisht, nisi injektimi i shpresës për shqiptarët që mbeten ende të dëshiruar të shohin para drejtësisë ata që abuzojnë me taksat e tyre, me pushtetin, që shkelin ligjin, që rrëmbejnë pasuri e prona etj etj.
Në fakt reforma nisi dhe u bitis, disa thonë se vijon ende, duke qenë se shumë gjyqtarë e prokurorë janë në fazën e Vetting, por institucionet e drejtësisë së re, jo vetëm u ngritën, por shumë prej atyre që u ulën për herë të parë në karriget e reja të godinave po kaq të reja, përfunduan edhe mandatet. Dikush la një gjurmë, dikush tjetër u akomodua në një tjetër institucion, dikush vijon të “vjelë” frutet e karriges ku është ulur, ambasadorët përfunduan mandatin, dhe sërisht burgu i Reçit nuk ka pritur ende “peshkaqenët”.
SPAK, thonë se ka në proces dosje e hetime, here pas here njerëz të veshur me kostum politik kalojnë pragun e derës së Prokurorisë Speciale, dhe ndoshta mes tyre në ato dosjet që punohet pa u ndier mund të ketë edhe “peshkaqenë”.
Deri më sot ato që kanë përfunduar me pranga si pjesë e komisioneve të tenderave, janë cironka që nuk meritojnë ndoshta “luksin e apartamenteve speciale” në Reç.
Madje as ish-ministri i Brendshëm, i dënuar për shpërdorim detyre, nuk pati “fatin” ta vizitojë Reçin, pasi Gjykata i caktoi ta kryente dënimin në Fier.
Të tjerë që janë në pritje të vendimeve të Gjykatës Speciale janë akomoduar në paraburgimin e Durrësit, që së fundmi numëron ndoshta numrin më të lartë të personazheve “VIP”, deri dje të veshur me imunitet politik.
Me siguri që edhe këta, nëse shpallen fajtorë nuk do të kenë “fatin” të jenë banorë të “apartamenteve” të Reçit.
Ky i fundit i është shtuar prej vitesh listës së institucioneve të vuajtjes së dënimit, ka shërbyer edhe për punësimin e rreth 400 personave, është populluar deri diku me ata që janë dënuar për vepra të ndryshme, por ende s´ka pritur personazhet për të cilën mori famën dhe u reklamua.
