Tornado dhe stuhi të fuqishme goditën jugun dhe perëndimin në SHBA, ku si pasojë humbën jetën të paktën tre persona në Indiana dhe Arkansas si dhe shkaktuan dëme të mëdha materiale.
Shërbimi Kombëtar i Motit njoftoi se disa tornado dhe stuhi janë raportuar të kenë goditur disa shtete, kurse fotografitë dhe videot nga terreni tregojnë tmerr.
Pemë të shkulura, rrugë të bllokuara e shtëpi të dëmtuara.
Vendet që më së shumti janë prekur janë Indiana dhe Arkansas, ku zyra e sherifit në qarkun Martin, Indiana, konfirmoi vdekjen e një personi në këtë rajon.
Mot i ngjashëm pritet të mbretërojë edhe në ditët në vazhdim në këto vende, kurse autoritetet kanë bërë thirrje që të evitohen daljet, vetëm nëse ato janë shumë të nevojshme.
