Eksperti i sigurisë, Fatjon Softa, thotë se bashkëpunimi i disa punonjësve të policisë me krimin është një fenomen i shtrirë në të gjithë vendin. Duke u nisur nga pezullimi i 13 punonjësve të policisë në Shkodër, Softa tha se një operacion i tillë duhet të shtrihet në të gjitha strukturat.
“Është lajm i mirë sepse policia po lufton dhe po pastron radhët e saj nga njerëz që i kanë përdorur uniformat duke ndihmuar grupet kriminale. Zoti Ardi Veliaj ka qenë disa ditë më parë në Komisionin e Sigurisë ku ka deklaruar se 35 punonjës policie nuk mund të pajisen me certifikatë sigurie.
Lajmi i keq është se brenda radhëve të policisë kemi individë të përfshirë në aktivitete të tilla. Ky është një fenomen kombëtar. Ka probleme jo vetëm në komisariate, por edhe në pikat kufitare. Si mund ta luftojmë krimin me këta punonjës policie. Si mund të flasim për siguri kombëtare? Uroj që ky operacion i vetëpastrimit të shtrihet në të gjitha strukturat. Krimin nuk e lufton dot me satelitë, por duhen njerëz me duar të pastra. Si mund ta luftojmë kur nuk e dimë kush është krimineli dhe kush punonjësi i policisë?”, tha ai.
Softa shtoi se krimi është trimëruar dhe vepron lirshëm sepse ka mbështetje në strukturat e policisë.
Eksperti i sigurisë, Fatjon Softa, thotë se bashkëpunimi i disa punonjësve të policisë me krimin është një fenomen i shtrirë në të gjithë vendin. Duke u nisur nga pezullimi i 13 punonjësve të policisë në Shkodër, Softa tha se një operacion i tillë duhet të shtrihet në të gjitha strukturat.
“Është lajm i mirë sepse policia po lufton dhe po pastron radhët e saj nga njerëz që i kanë përdorur uniformat duke ndihmuar grupet kriminale. Zoti Ardi Veliaj ka qenë disa ditë më parë në Komisionin e Sigurisë ku ka deklaruar se 35 punonjës policie nuk mund të pajisen me certifikatë sigurie.
Lajmi i keq është se brenda radhëve të policisë kemi individë të përfshirë në aktivitete të tilla. Ky është një fenomen kombëtar. Ka probleme jo vetëm në komisariate, por edhe në pikat kufitare. Si mund ta luftojmë krimin me këta punonjës policie. Si mund të flasim për siguri kombëtare? Uroj që ky operacion i vetëpastrimit të shtrihet në të gjitha strukturat. Krimin nuk e lufton dot me satelitë, por duhen njerëz me duar të pastra. Si mund ta luftojmë kur nuk e dimë kush është krimineli dhe kush punonjësi i policisë?”, tha ai.
Softa shtoi se krimi është trimëruar dhe vepron lirshëm sepse ka mbështetje në strukturat e policisë.
