Spanja ka triumfuar pas serisë së 11-metërshave në finalen e UEFA Nations League përballë Kroacisë
Ky ekip u tregua më i saktë se kundërshtari në “goditjet ekstreme”, me futbollistët që u treguan gjakftohtë përballë portierit të kombëtares kroate
Takimi në kohën e rregullt (dhe në kohën shtesë), përfundoi me rrjeta të paprekura, me sulmet e të dy ekipeve që nuk patën precizionin e duhur për të realizuar golin e zhbllokimit të rezultatit.
Përsa i përket lojës së treguar në stadiumin e Roterdamit, Spanja ishte më dominuese, duke krijuar më shumë raste se Kroacia, megjithatë ballkanasit, nuk mbetën duke vëzhguar, duke tentuar edhe ata të shënonin, por pa sukses.
Ndeshja ishte e karakterizuar nga faullet e shumta, tipike të një finaleje, me arbitrin që akordoi në total 4 kartonë të verdhë.
Në fund Spanja e meritoi suksesin, duke i shtuar dhe një tjetër trofe palmaresit të saj.
