Në rrjetet sociale dhe në të gjitha mediat botërore po qarkullon një video e Presidentit amerikan Joe Biden, ku në mbyllje të fjalimit të tij në Konektikat, ai tha ‘Zot ruaje mbretëreshën’.
Biden po fliste në Samitin Kombëtar të Komuniteteve më të Sigurta në Konektikat, duke bërë thirrje për ligje më të ashpra për kontrollin e armëve, kur ai ngatërroi audiencën dhe e mbylli fjalimin e tij me frazën: “Zot ruaje Mbretëreshën” (God save dhe Queen).
Zëvendës-sekretarja e shtypit e Shtëpisë së Bardhë, Olivia Dalton, më vonë iu përgjigj gazetarëve duke thënë se presidenti “po i komentonte dikujt në turmë”.
Monarku aktual i Mbretërisë së Bashkuar është Mbreti Charles III, pasi nëna e tij, Mbretëresha Elizabeth II, vdiq në shtator. “God Save the Queen” është gjithashtu një këngë nga Sex Pistols.
