Ministri i Brendshëm i Kosovës Xhelal Sveçla me anë të një postimi në rrjetet sociale, shprehet se është arrestuar një agresor, që ka sulmuar gazetarët në Veri.
Sveçla theksoi se i dyshuari në fjalë do të përballet me drejtësinë.
“Një nga udhëheqësit e grupit që ka sulmuar gazetarët e mediumit Kallxo në Leposaviq me datë 29 maj, sapo është arrestuar. Nemanja Vllaskovic do të ballafaqohet me drejtësi për sulmet e kryera ndaj gazetarëve tanë.
Të gjithë sulmuesit dhe kriminelët do të sillen para drejtësisë, kjo nuk ka alternativë.
Përgëzoj Policinë e Kosovës për punën në hetimin dhe arrestimin e sulmuesit e gazetarëve. Vazhdojmë, të përkushtuar, për drejtësi e pa kompromis kundër milicisë fashiste”, shkruan Sveçla.
Kujtojmë se Kosova arrestoi disa ditë më parë edhe një kriminel të dyshuar serb, veprim që u pasua edhe me rrëmbimin e tre efektivëve të Kosovës nga policia e Serbisë.
Ministri i Brendshëm i Kosovës Xhelal Sveçla me anë të një postimi në rrjetet sociale, shprehet se është arrestuar një agresor, që ka sulmuar gazetarët në Veri.
Sveçla theksoi se i dyshuari në fjalë do të përballet me drejtësinë.
“Një nga udhëheqësit e grupit që ka sulmuar gazetarët e mediumit Kallxo në Leposaviq me datë 29 maj, sapo është arrestuar. Nemanja Vllaskovic do të ballafaqohet me drejtësi për sulmet e kryera ndaj gazetarëve tanë.
Të gjithë sulmuesit dhe kriminelët do të sillen para drejtësisë, kjo nuk ka alternativë.
Përgëzoj Policinë e Kosovës për punën në hetimin dhe arrestimin e sulmuesit e gazetarëve. Vazhdojmë, të përkushtuar, për drejtësi e pa kompromis kundër milicisë fashiste”, shkruan Sveçla.
Kujtojmë se Kosova arrestoi disa ditë më parë edhe një kriminel të dyshuar serb, veprim që u pasua edhe me rrëmbimin e tre efektivëve të Kosovës nga policia e Serbisë.
