Ish-ministri Aldo Bumçi, i ftuar në studion e emisionit “Open” në News24 ka komentuar situatën e tensionuar të ditëve të fundit mes Kosovës dhe Serbisë, por edhe përfshirjes së Shqipërisë.
Bumçi deklaroi se Serbia dhe Vuçiç mbeten problem në Ballkan duke tentuar të destablizojnë vendet përreth si Kosova, Bosnja dhe Mali i Zi. Ai shtoi se Beogradi po lexon tolerimet e bashkësisë evropiane si nxitje për revansh, pasi këta të fundit kërkojnë të shkëpusin Serbinë nga ndikimi rus.
Nga ana tjetër avokati Tom Gashi, përmes një komunikimi të drejtpërdrejtë zbuloi detaje nga rrëmbimi i tre efektivëve kosovarë nga forcat serbe, duke thënë se kjo ngjarje është vërtetuar se ka ndodhur në territorin e Kosovës, rreth 300 metra nga kufiri serb.
Ai u shpreh se Vuçiç po e përdor këtë rrëmbim për kënaqësinë e serbëve, në mënyrë që të mbrojë pushtetin pas problemeve të brendshme në Serbi.
Gashi:
Ka qenë agresion me rrëmbim dhe është vërtetuar që ka ndodhur në territorin e Kosovës. Po të ndodhte në një pjesë tjetër do ishte një situatë ndryshe. U vërtetua që rrëmbimi është bërë rreth 300 metra larg kufirit të Serbisë. Situata që po krijohet është një ide e Vuçiçit për të mbrojtur pushtetin e tij edhe për shkak të problemeve të brendshme. Nuk është hera e parë që ka kërcënime me ushtri apo avionë, ndërsa përdor për kënaqësi rrëmbimin e tre efektivëve edhe për kënaqjen e serbëve në Serbi e Kosovë. Vuçiç lufton për pushtet
Bumçi:
Problem në Ballkan mbetet Serbia dhe Vuçiç. Serbia nuk flet më për Serbinë e Madhe por për Botën Serbe duke tentuar të destabilizojë Bosnjën, Malin e Zi dhe Kosovën. Serbia dhe Rusia nuk janë dakord me rendin aktual dhe nuk e pranojnë duke u munduar ta zhbëjnë. Ka të bëjë edhe me problemet e brendshme të Vuçiçit. Ka edhe një qëndrim të bashkësisë ndërkombëtare ku po përpiqen të shkëpusin Serbinë nga Moska. Tolerimet e Perëndimit po lexohen si nxitje për revansh nga ana e tyre.
Ish-ministri Aldo Bumçi, i ftuar në studion e emisionit “Open” në News24 ka komentuar situatën e tensionuar të ditëve të fundit mes Kosovës dhe Serbisë, por edhe përfshirjes së Shqipërisë.
Bumçi deklaroi se Serbia dhe Vuçiç mbeten problem në Ballkan duke tentuar të destablizojnë vendet përreth si Kosova, Bosnja dhe Mali i Zi. Ai shtoi se Beogradi po lexon tolerimet e bashkësisë evropiane si nxitje për revansh, pasi këta të fundit kërkojnë të shkëpusin Serbinë nga ndikimi rus.
Nga ana tjetër avokati Tom Gashi, përmes një komunikimi të drejtpërdrejtë zbuloi detaje nga rrëmbimi i tre efektivëve kosovarë nga forcat serbe, duke thënë se kjo ngjarje është vërtetuar se ka ndodhur në territorin e Kosovës, rreth 300 metra nga kufiri serb.
Ai u shpreh se Vuçiç po e përdor këtë rrëmbim për kënaqësinë e serbëve, në mënyrë që të mbrojë pushtetin pas problemeve të brendshme në Serbi.
Gashi:
Ka qenë agresion me rrëmbim dhe është vërtetuar që ka ndodhur në territorin e Kosovës. Po të ndodhte në një pjesë tjetër do ishte një situatë ndryshe. U vërtetua që rrëmbimi është bërë rreth 300 metra larg kufirit të Serbisë. Situata që po krijohet është një ide e Vuçiçit për të mbrojtur pushtetin e tij edhe për shkak të problemeve të brendshme. Nuk është hera e parë që ka kërcënime me ushtri apo avionë, ndërsa përdor për kënaqësi rrëmbimin e tre efektivëve edhe për kënaqjen e serbëve në Serbi e Kosovë. Vuçiç lufton për pushtet
Bumçi:
Problem në Ballkan mbetet Serbia dhe Vuçiç. Serbia nuk flet më për Serbinë e Madhe por për Botën Serbe duke tentuar të destabilizojë Bosnjën, Malin e Zi dhe Kosovën. Serbia dhe Rusia nuk janë dakord me rendin aktual dhe nuk e pranojnë duke u munduar ta zhbëjnë. Ka të bëjë edhe me problemet e brendshme të Vuçiçit. Ka edhe një qëndrim të bashkësisë ndërkombëtare ku po përpiqen të shkëpusin Serbinë nga Moska. Tolerimet e Perëndimit po lexohen si nxitje për revansh nga ana e tyre.
