Kryetari i Këshillit Kombëtar të Partisë Demokratike, Edi Paloka ka paralajmëruar trupin gjykues që mori vendimin për vulën e PD-së.
Në një prononcim për ‘Open’, Paloka tha se kushdo që merr vendime të padrejta do të mbajë përgjegjësi.
“Edhe ata gjyqtarë dhe kushdo që ka përgjegjësi për këtë akt të rëndë, do të mbajë përgjegjësi personale një ditë, mos mendojë se do fshihet pas imunitetit.
Të gjithë do mbajnë përgjegjësi. Nuk thamë që me t’u dhënë vendimi do hyjmë në Parlament… Ish kreu i gjykatës së lartë dhe ish prokurori i përgjithshëm i Enverit, u dënuan me vdekje për vendimet që kishin marrë, pas 50 vitesh… atëherë u erdhi koha, dhe pse faji ishte i Enver Hoxhës,”- tha Paloka.
