Këngëtarja Fjolla Morina është bërë aktive në rrjetet sociale pas shumë kohësh. Ajo doli në një lidhje direkte me fansat e saj, ku foli mbi mungesën e saj në skenë dhe rrjetet sociale gjatë këtyre muajve.
Morina tha se ka kaluar disa kohë të vështira në jetën e saj, por që tashmë e ka rimarrë veten nga sfidat e mëdha me të cilat është përballur. Në një moment, Fjolla shpërfaqi anën e saj emocionale duke mos i mbajtur dot lotët, teksa rrëfente problemet që i ndodhën muajt e fundit.
Këngëtarja ka pasur shumë probleme viteve të fundit, duke u nisur nga arrestimi i saj në kufirin Kosovë-Shqipëri si dhe ndarja me ish-bashkëshortin e saj, Fisnik Syla.
