Një luftë e nëndheshme është duke u zhvilluar mes kryebashkiakëve socialistë tani në prag të zgjedhjeve lokale të 14 majit.
Gazeta Jonë ka raportuar më herët në lidhje me tenderët korruptivë të kryebashkiakëve në Shqipëri, pavarësisht nëse janë rilindas apo të foltores, por duket se përballja është e thellë me socialistëve.
Sëfundmi, Lefter Alla duket se nuk e ka përtypur performancën e Safet Gjicit në fushatë duke e sulmuar atë përmes portalit që financon vetë, “Bulqiza Info”. Burime bëjnë me dije se ky portal financohet nga Alla dhe ka një zyrë në Tiranë ku përgatiten sulmet ndaj kundërshtarëve të kryebashkiakut të Bulqizës.
Por çfarë ka ndodhur sëfundmi?
Në portalin “Bulqiza Info” është publikuar një lajm satirik kundër Safet Gjicit, ku sipas gazetarëve të paguar nga Alla, “Safet Gjici bën perlën e paparë ndonjëherë” duke shkuar për fushatë në Londër.
Kaq ka mjaftuar që ky titull të bëhet meme kundër Safet Gjicit duke ditur edhe se kush qendron pas Bulqiza Info.
