Amar (Dritan) Shkëmbi u arrestuar në Abu Dhabi si pjesë e grupit kriminal që konsiderohet përgjegjës për atentatin e 1 Nëntorit 2019 te mbikalimi i Shkozetit, kur u vra në Andi Maloku dhe u plagosën ish-prokurori Arjan Ndoja dhe Aleksandër Laho.
“Mbi bazën e informacioneve të marra nga Policia e Shtetit, homologët e Emirateve të Bashkuara Arabe kanë organizuar dhe finalizuar operacionin policor të koduar ‘Abu Dhabi’, në kuadër të të cilit u bë kapja dhe arrestimi me qëllim ekstradimi drejt vendit tonë, i shtetasit: Amar (Dritan) Shkëmbi, 39 vjec”, njoftoi sot policia.
Ndaj tij, GJKKO ka caktuar masën e sigurisë “Arrest në burg”, për veprat penale “Vrasja e funksionarëve publikë”, mbetur në tentativë, “Vrasja në rrethana cilesuese”, “Mbajtja pa leje dhe prodhimi i armëve luftarake dhe i municionit, “Grup i strukturuar kriminal” dhe “Kryerja e veprave penale nga grupi i strukturuar krininal”.
Amar (Dritan) Shkëmbi, sipas hetimeve, njihej edhe si “Badi”.
Ai ishte pjesë e grupit që nisi punën për të krijuar kushtet për të realizuar atentatin.
Në dosjen hetimore që prokuroria ka dërguar në gjykatë, zbardhen edhe përgjime mes anëtareve të grupit, që hedhin dritë edhe në ndjekjen për katër ditë me radhë që grupi, i kishte bërë makinës së prokurorit Ndoji, deri në ditën e atentatit.
Lexo:
Atentati – Si francezët morën përgjimet e grupit të Dervishajt
