Analisti Fatos Lubonja ka folur në lidhje me zhvillimet e fundit, teksa deklaroi se mosbindja civile e paralajmëruar nga opozita është e rëndësishme për protestat e këtyre të fundit.
Në rubrikën “Opinion” në News24, ai tha se protesta e opozitës është e drejtë pasi kryeministri ka organizuar një intrigë të madhe ndaj kundërshtarëve politikë dhe më pas nuk “çan kokën” sikur Shqipëria të jetë mbretëri absolute.
Ai shtoi më tej duke iu referuar përjashtimeve të deputetëve opozitarë se në vend ka një “tirani të maxhorancës” dhe se kryeminsitri e ka sëmundje paaftësinë e tij për dialog, gjë që sjell edhe këto largime nga Parlamenti.
Lubonja vijoi më tej duke deklaruar se Rama është i shqetësuar pas zbulimit të rastit “McGonigal” dhe se kjo gjë sipas tij e na nxjerrë kryeministrin zbuluar duke e drejtuar atë te strategji të tjera për të ruajtur pushtetin.
Sa i përket protestave ai tha se koha e protestave paqësore ka ikur dhe se me to nuk mund të ketë zgjidhje të situatës.
