Qeveria amerikane ka deklaruar zyrtarisht se Rusia ka kryer krime kundër njerëzimit gjatë luftës së saj në Ukrainë, njoftoi të shtunën në Gjermani nënpresidentja Kamala Harris.
“Shtetet e Bashkuara kanë përcaktuar zyrtarisht se Rusia ka kryer krime kundër njerëzimit.
Dhe unë u them të gjithë atyre që kanë kryer këto krime dhe eprorëve të tyre që janë bashkëpunëtorë në ato krime, ju do të mbani përgjegjësi”, tha Harris gjatë një fjalimi në Konferencën e Sigurisë në Mynih.
Harris shpalosi disa nga ato që mund të përdoreshin si prova të krimeve të supozuara të Rusisë kundër njerëzimit.
Ajo përshkroi raste të veçanta që kanë shtuar klipet e lajmeve dhe raportet zyrtare nga Kombet e Bashkuara.
“Së pari, që nga ditët e fillimit të kësaj lufte të paprovokuar, ne kemi parë forcat ruse të përfshihen në mizori të tmerrshme dhe krime lufte,” tha zëvendëspresidentja Harris.
“Forcat ruse kanë ndjekur një sulm të gjerë dhe sistematik kundër një popullsie civile – akte të tmerrshme vrasjesh, torturash, përdhunimesh dhe dëbimi. Vrasje të stilit të ekzekutimit, rrahje dhe goditje elektrike
“Autoritetet ruse kanë deportuar me forcë qindra mijëra njerëz, nga Ukraina në Rusi, duke përfshirë fëmijë. Ata i kanë ndarë mizorisht fëmijët nga familjet e tyre,” shtoi ajo.
Fjalimi i Harris përmendi prova të sulmeve pa dallim që synonin qëllimisht civilët, duke përfshirë bombardimin e një materniteti që vrau një nënë shtatzënë dhe një teatri në Mariupol ku u vranë qindra.
Zëvendëspresidentja foli për imazhet e tmerrshme nga Bucha që tregonin burra dhe gra të qëlluar dhe që kalbeshin në rrugë dhe raportet nga Kombet e Bashkuara të një vajze katër vjeçare që u sulmua seksualisht nga një ushtar rus.
“Barbare dhe çnjerëzore,” tha Harris.
