Heqja e deputetes demokrate Jorida Tabaku nga delegacioni shqiptar në Alamblenë e Këshillit të Evropës është konfirmuar dhe nga deputeti Lulzim Basha.
Basha është emëruar si anëtar në këtë delegacion nga Enkelejd Alibeaj, pasi ky i fundit hoqi Tabakun. Në një postim në Facebook, Basha ka publikuar një foto me kreun e Kuvendit të Kosovës Glauk Konjufcën, ku kanë biseduar për zhvillimet në Kosovë.
Postimi:
Kënaqësi të takohesha me kryetarin e Kuvendit të Kosovës Glauk Konjufca. Biseduam për zhvillimet në Kosovë dhe veçanërisht në kuadër te Asambleja Parlamentare të Këshillit të Evropës, për hapat, bashkëpunimin dhe koordinimin për anëtarësimin në këtë institucion.
Mirënjohje miqve dhe partnerëve europianë dhe amerikanë për vëmendjen e shtuar, për arritjen e një marrëveshje mes Kosovës dhe Serbisë. Investimi në Kosovën e pavarur, në Kosovën anëtare të NATO-s, dhe BE është investimi më i suksesshëm global e në veçanti i demokracive perëndimore.
