Kreu i RTSH, Enkelejd Joti, po bën shfrenime të shpenzuara për platformën “OTT”, e cila tashme thuajse është e papërdorshme. Për këto abuzime Joti është denoncuar në Komisionin e Prokurimeve Publike. Platforma OTT është televizion nëpërmjet internetit “over the top”. Sipas parashikimeve me këtë platformë çdo program televiziv shihet jo në kohën reale, por disa orë dhe ditë pasi ai të jetë transmetuar.
Asaj kohe kreu i RTSH u shpreh se më së shumti kjo platformë po blihet për programin RTSH Shkolla, që iu duhej nxënësve gjatë kohës së pandemisë. Por, as atëherë kjo platformë nuk funksionoi si duhet, ndërsa tani askush nuk i ndjek programe të tilla.
Por, pavarësisht kësaj, Joti duke ndjekur planet e lëna përgjysmë nga Gëllçi, vazhdon të hedh milionat për platformën OTT. Tenderi i radhës ka si objekt “Blerje shërbimi softwerike dhe internet për shërbimin e platformës OTT të RTSH-së”. Për të cilin do të shpenzohen rreth 2 miliardë lekë.
Ankimuesi MC NETWORKING pretendon se tenderi është abzuiv, me fitues të paracaktuar dhe kritere burokratike. Gjithsesi, KPP e mban të fshehtë këtë ankesë, pasi nuk ka publikuar një dokument që të shpjegojë qartë denoncimin.
Megjithatë, fakti që Joti po shpenzon miliarda për një platformë që nuk vihet në punë është një abuzim i madh. Ndërsa institucionet nuk marrin parasysh denoncimet, por i kalojnë ato sa “për sy e faqe”.
Vazhdon plani i Thoma Gëllçit
Pak kohë më parë Gijtina.com përmes dokumenteve të siguruara ka treguar abuzimin që Joti po bën me platformën OTT. Bëhej fjalë për tenderin me objekt i “mirëmbajtje për shërbimin e platformës OTT për RTSH-në”, me qëllim mirëmbajtjen dhe blerjen e pajisjeve multimediale.
Drejtori i RTSH-së ka akorduar një shumë prej 169 milionë lekësh për shërbimin e OTT-së. I gjithë ky shpenzim bëhet në një pikë kur vendi është në krizë dhe kur nuk dihet nëse OTT do të jetë e aksesueshme nga qytetarët. Por, edhe nëse do të jetë funksionale, sipas rregullit kostoja e mirëmbajtjes duhet të jetë sa 10 apo 20% e vlerës së blerjes së produktit, jo sa 200 % e vlerës së tij.
Me tenderin e më sipërm vlera e shpenzuar për këtë platformë deri tani shkon në rreth 4 miliardë lekë. Kështu, ai po harxhon dyfishin e shumës që ka kushtuar komplet platforma në kohën e Gëllçit, kur u ble për 85 milionë lekë në 2020. Pra, Joti po vazhdon aferën e Gëllçit. Majde po e frynë atë, që të mund të kenë të dy mundësi përfitimi.
Kujtojmë se ky i fundit u arrestua në vitin që lamë pas për abuzime me tenderët. Duhet të përmendim se këto janë para të vjedhura direkt nga xhepi ynë. Pasi, ne paguajmë çdo muaj taksën për transmetimet e RTSH, të cilat kurrë nuk sjellin diçka speciale për shikuesit. Madje niveli i transmetimi qëndron shumë më dobët se televizionet private.
Lexo edhe: RTSH lekët lumë për “OTT”/ Enkelejd Joti ecën në gjurmët e Thoma Gëllçit
