Personi në foto është Antonio Leka nga qyteti i Lezhës, i cili është arrestuar nga policia ditën e sotme.
Ai u kap me një arsenal armësh me vete. Leka ishte i njohur për blutë e Lezhës pasi është i dënuar me parë nga gjykata, për “Prodhim dhe shitje të lëndëve narkotike”.
Ndërkohë, në makinën e tij ku po udhëtonte nga zona e Milotit në drejtim të Lezhës janë gjetur snajper, automatikë, plumba blindshpues, pistoleta dhe jelekë antiplumb.
Mediat raportojnë se ka qenë vëllai i Antonios, Nik Leka që ka njoftuar policinë e Lezhës, për prezencën e tij të armatosur, i cili kishte parë të vëllain të veshur ushtarak dhe me anti-plumb.
Gjatë momentit të arrestimit Antonio Leka, nuk ka shfaqur rezistencë ndaj punonjësve të policisë, por u ka thënë këtyre të fundit se ishte nisur në drejtim të Lezhës, për të vrarë politikanët.
“…do vras politikanët e Lezhës, dhe të zhduk farën e keqe të tyre…” – ka pohuar Leka.
Aktualisht ndaj tij është marrë masa e arrestimit ndërsa në ditët në vijim pritet që të dalë para gjykatës së Lezhës, për tu njohur me masën e sigurisë “arrest në burg” që do kërkojë prokuroria.
