“Homeland Justice”, grupi i hakerave që ka marrë përsipër sulmet kibernetike ndaj institucioneve shtetërore dhe së fundmi ndaj bankës “Credins”, ka publikuar këtë të Hënë të tjera të dhëna.
Përmes një postimi në Telegram, grupi ka publikuar disa databaza me llogari bankare të firmave private, institucioneve publike dhe individëve.
Mes tyre janë kompani private si Salillari, institucione publike si OST, Albpetrol, apo edhe individë, emra publikë si ish-ministri i Brendshëm Sandër Lleshaj dhe aktori Ermal Mamaqi.
Në këtë listë është dhe Partia Socialiste, për të ciliën thuhet se ka një llogari prej më shumë se 1 mln lekë – 112 785 701.
Homeland Justice” nuk specifikon nëse lista i përket vetëm bankës “Credins” që ra pre e sulmi kibernetik, apo ka dhe të dhëna nga banka të tjera.
