Erdhi dhe kjo ditë! Pas satelitëve Albania, krybashkiakja e Përmetit, Albana Hoxha, të bëjë dhe ajo një çudi dhe me lekët e qytetarëve. Me 30 dhjetor 2022 (nuk i pritej Albanës) në kulmin e festave, kur të gjithë s’e kishin mendjen, shpalli tenderin me termat e çuditshëm që shpjegojnë objektin e saj. Bëhet fjalë për prokurimin me qëllim “Ndriçim publik në kuadër të projektit “Bashki me energji inteligjente”. Për këtë mega projekt janë vënë në dispozicion 550 milionë lekë.
Së pari vlen të sqarohet se Hoxha ka në plan të blejë paisje ndriçuese të cilat funksionojnë me energji diellore dhe ndizen automatikisht sapo errësohet. Por, për ta bërë më kompleks këtë tender, ajo përdor termin “Energji Inteligjente”.
Sipas dokumenteve, afati i fundit për paraqitjen dhe hapjen e ofertave është 19 janar 2023. Fituesi do ta gëzojë kontratën deri në fund të muajit qershor. Shpresojmë që këtë herë Hoxha të respektojë rregullat e prokurimit. Pasi nga kriteret e vendosura duket sikur fituesi mund të jetë paracaktuar.
Shpenzime elektorale
Këto 550 milionë lekë janë më shumë shpenzime elektorale. Po të vihet re me kujdes në të dhënat e Spending Data Albania, Bashkia Përmet në tre vitet e fundit ka shpenzuar 7,073,982,165 lekë të reja për tenderë. Në këto kontrata evidentohet se më shumë janë mallra dhe shërbime të investuar për bashkinë si institucion. Dhe jo për investime që iu vijnë në ndihmë qytetarëve.
Ndërkohë, tani që po afrojnë zgjedhjet Hoxha sërish zgjedh të vërë ca llamba rrugëve, për të krijuar mundësinë e përvetësimeve të lehta nga paratë e buxhetit të bashkisë. Sepse do të investohet për ndriçimin e disa rrugëve, që më së parë kanë nevojë të rikonstruktohen, pasi janë tejet të amortizuara.
Kujtojmë se Hoxha është një nga kryebashkiaket e preferuara të Ramës. E cila nuk merr kurrë kritika edhe pse bashkinë e ka zhytur në borxhe. Rama ka relata të mira me të pasi arriti të largojë ish-kreun e Bashkisë Niko Shupulin. Me të cilin pati disa përplasje në vitin 2019. Dhe sikur deklaroi asaj kohe, “Rama e çoi në shtëpi Shupulin” dhe solli ë krye një nga të bindurat e tij, Alma Hoxhën.
Lexo edhe: Bllokohet pika e kalimit Kufitar në Përmet
The post Energji inteligjente/ Alma Hoxha, 550 mln lekë për drita rrugicash appeared first on 27.
