Moti në Shqipëri do të karakterizohet nga dominimi i kthjellimeve. Temperaturat do të rriten duke shënuar deri në 15 gradë celcius, një nivel ky i pazakontë për stinën e dimrit. Masat ajrore do të mbeten të qëndrueshme në të gjithë territorin. Sipas MeteoAlb, në zonat malore do të ketë kalime të pakta të vranësirave të cilat nuk do të mund të sjellin reshje.
Temperaturat e ajrit do të ulen në mëngjes, por mbeten konstante në mesditë duke luhatur vlerat ditore nga -2°C deri në 15°C.
Era do të fryjë e lehtë dhe mesatare me shpejtësi 30 km/h nga drejtimi veriperëndimor duke krijuar në brigjet detare dallgëzim 2 ballë.
Kosova
Mbetet paraditja në Kosovë në dominimin e kthjellimeve, por në zonat Veriore herë pas here do të ketë kalime të pakta të vranësirave. Parashikohet që në pjesën e dytë të ditës përkohësisht vranësirat kalimtare të shfaqen në të gjithë territorin e Kosovës.
Maqedonia e Veriut
Zhvillimi i një qendre të presionit të lartë atmosferik mbi Ballkan do të diktojë motin në MV duke sjellë dominim të kthjellimeve në të gjithë vendin gjatë paradites. POR pasditja do të sjellë kalime të pakta vranësirash kryesisht në zonat Jugore të MV. Ndërsa pjesa tjetër e MV do të jetë në mbizotërimin e kthjellimeve.
Rajoni dhe Europa
Europa Jugore dhe pjesërisht Qëndra e kontinentit do të jenë nën ndikimin e kthjellimeve dhe kalimeve të pakta të vranësirave. Ndërsa Europa Veriore dhe Lindore do të dominohen nga masat ajrore të paqëndrueshme dhe të ftohta, KU vranësirat do të gjenerojnë reshje dëbore.
The post Mot me surpriza, ja kthesa e befasishme e së enjtes appeared first on 27.
