Ka folur para oficerëve të policisë biznesmeni Faraudin Veizaj. Ai është pronar i dyqanit me mallra industriale në Vlorë, që u dogj mbrëmë nga një 39- vjeçar i identifikuar me emrin Qerim Mara. Veizaj deklaroi se nuk ka konflikte me askënd dhe se pret arrestimin e autorit për të kuptuar motivin e ngjarjes.
Qerim Mara ndërkohë është shpallur në kërkim nga policia. Subjekti ndodhej në lagjen ‘Hajro Çakërri’ ku raportohen vetëm dëme materiale. Mara gjithashtu ka tentuar të djegë edhe automjetin e markës ‘Toyota’ në afërsi të banesës së Faraudin Veizajt në lagjen ‘Uji i Ftohtë’ ku më pas është arratisur. Ky nuk është i vetmi inident i ndodhur gjatë natës në Vlorë. Edhe tre automjeteve të tjera u është vënë flaka, ndërsa autorët janë shpallur në kërkim.
