Eksperti i njohur i IT, Gentjan Progni zbuloi në studion e Syri Tv se Erisa Fero që u arrestua me 59 kg drogë në automjetin e saj, kishte pozicion të rëndësishëm te Agjencia Kombëtare e Shoqërisë së Informacionit (AKSHI).
Ai tha se ajo nuk ishte specialiste e thjeshtë, por mbante detyrën e shefes së IT.
Progni tha gjithashtu se Fero kishte akses edhe te sistemi TIMS, doganat e tatimet.
“Erisa Fero nuk ishte specialiste, por shefe, Head IT te AKSHI. Ajo ka një detyrë në AKSH e cila merret me sektorin që ka aksese në TIMS dhe në disa databaze të tjera si doganat dhe tatimesh kjo është një degradim ku njerëz që janë të inkriminar dhe merren me krimin, punojnë edhe për krimin edhe për AKSHI-n. Ky institucion duhet që të kontrollohet dhe personat që do të punojnë aty të kenë një certifikatë sigurie. Tani ky institucion punon i pavarur dhe nuk pyet asnjë, aty kemi kërcënime ndaj punonjësve të IT, imagjinoni se ku shkon guxim i tyre që për mua është të vendosesh duart në kokë, të heqësh njerëz nga puna vetëm se nuk i janë dorëzuar databazat e institucioneve që nuk ia lejon ligji që t’i kërkojë ato të dhëna”, tha Progni.
