Teksa fati i Ervis Martinajt ende mbetet mister, policia, RENEA dhe FNSH kanë bastisur orët e para të mëngjesit banesën e tij në Fushë Kuqe. Deri më tani nuk dihen se çfarë ka gjetur policia në banesën e Ervis Martinajt, ndërtesa shihet e fortifikuar me mure të larta me hekura dhe me kamera sigurie.
Siç shihet në foto, banesa e Ervis Martinajt i ngjan më shumë një fortese të sigurisë së lartë. Muri i lartë rrethon qindra metër katror tokë.
Tek porta e banesës vihen re kamera të mëdha që në treg kushtojnë një sasi të konsiderueshme parash. Duket se Ervis Martinaj tregonte kujdes dhe i ruhej ndonjë ngjarje të mundshme që para se të shpallej në kërkim.
Sipas mediave, dhjetëra makina të FNSH-së dhe RENEA-s kanë rrethuar shtëpinë e Martinajt në Fushë-Kuqe. Nuk dihet ende nëse ka gjurmë nga Martinaj, i cili rezulton i zhdukur që prej gushtit dhe fati i tij është ende mister.
