Autoritetet spanjolle kanë vënë në pranga një nga 10 më të kërkuarit nga FBI.
Mediat e huaja shkruajnë se ai po qëndronte në një hotel të Madridit dhe po përdorte një ID false.
Michael James Pratt, një shtetas i Zelandës së Re, u dënua me burgim të përjetshëm për pornografi të fëmijëve, shfrytëzim seksual dhe sulm seksual në SHBA. Policia tha se Pratt ishte i përfshirë në prodhimin e pornografisë audiovizive, duke tërhequr vajza të mitura dhe vajza të reja përmes mashtrimit midis 2012 dhe 2019. Pratt fitoi më shumë se 17 milionë dollarë nga këto aktivitete.
Vetëm 57 kriminelë në listën e më të kërkuarve të FBI-së janë arrestuar jashtë juridiksionit të Byrosë Federale të Hetimeve të SHBA-së, thanë autoritetet spanjolle, duke shtuar se ishte hera e parë që një gjë e tillë ndodhte në Spanjë.
Policia vuri në dukje se i arratisuri kishte postuar reklama në internet duke ofruar punë “modelimi”, të cilat rezultuan të ishin video pornografike. Ai paguante gra të tjera që të vepronin si “karrem” dhe t’i bindte viktimat se materiali nuk do të publikohej në internet. Në disa raste, viktimat u mbajtën kundër vullnetit të tyre dhe u detyruan të kryenin akte seksuale.
