Doktori i programit “Fiks Fare”, Gent Pjetri u rikthye bujshëm në ekran vetëm para pak kohësh. Ai i befasoi të gjithë me rrëfimin, ku tregoi se kishte vuajtur nga varësia e alkoolit, e cila i solli dhe probleme në punë. Aktualisht, Pjetri është bashkëprezantues i programit të mëngjesit “Kafe shqeto”. Në një bisedë normale me të ftuarin e tij komedianin Uljad Bërdica, duke lënë pas shakatë ai u shpreh se ishte i birësuar nga një familje në Shkodër dhe se prindërit biologjik të tij nuk i njeh.
“Edhe unë jam i birësuar si ti dhe për mua prindërit e vërtetë janë ata që më kanë rritur dhe nuk ekzsiton asnjë tjetër përveç atyre. Ky është një rrëfim që nuk ja kam thënë njeriu dhe tani është hera e parë që e bëj publike.”
Më herët, Gentjan Pjetri tregoi për një periudhë të errët të jetës së tij, varësinë ndaj alkoolit. Ai rrëfeu në ‘Glamour Zone’, tha se problemet kanë nisur se ka qenë fëmijë i vetëm dhe se në momentet kur i kishte të gjithë kundër, gjeti ngushëllim tek alkooli.
