Gjykata e Tiranës ka marrë vendimin për prishjen e pallatit të dëmtuar nga tërmeti në rrugën Myslym Keta në njësinë nr.4 në kryeqytet.
Ndonëse PD kishte paraqitur një kërkesë për të mos lejuar shembjen e pallatit, gjykata vendosi të rrëzojë këtë pretendim. Instituti i Ndërtimit me herët e kishte shpallur të rrezikshëm pallatin për shkak të dëmtimeve nga tërmeti.
Megjithatë IKMT nuk priti sa të jepej vendimi i gjykatës dhe nisi shembjen që në orët e para të mëngjesit të kësaj të hëne.
Banorët thonë se shembja nisi pa një vendim gjykate dhe se shkalla e vlerësimit për këtë pallat pas dëmtimit nga tërmeti ka ndryshuar disa herë. Ata kanë dyshime se pas shembjes së pallatit fshihen interesa të tjera.
