Ka nisur shembja e pallatit të dëmtuar nga tërmeti në Kombinat. IKMT ka nisur rrethimin e perimetrit për të vijuar më pas me shembjen pasi pallati i dëmtuar është i vlerësuar si i pabanueshëm.
Banorët thonë se nuk ka vendim gjykate për prishjen e pallatit dhe se shkalla e vlerësimit për këtë pallat pas tërmetit ka ndryshuar disa herë.
Qytetarët kanë hedhur akuza të rënda mbi shtetin, pasi nuk duronin sa të shprehej gjykata për të përcaktuar se kush kishte të drejtë.
Ata kanë dyshime se pas shembjes së pallatit fshihen interesa të tjera. Qytetarët kanë thënë se nuk është bërë asnjë akt ekspertimi privat që ka nxjerrë pallatin me shkallën e dëmtimit DS2.
