Në rrugën “Myslym Keta” në Tiranë ka nisur shembja e pallateve pavarësisht se banorët e kundërshtuan me forcë. Mësohet se nga ana e IKMT ka nisur rrethimi i perimetrit për të vijuar më pas me shembjen.
Ndërkohë pallati i dëmtuar nga tërmeti është i vlerësuar si i pabanueshëm. Një nga banorët ka folur për News24 duke treguar se brenda banesës i kanë mbetur sende të tyre, veshjet dhe se u kanë prishur shkallët.
“E gjetëm shtetrrethim. Ky është shteti jonë. Nuk kemi marrë sendet tona”, tha ai.
Kujtojmë se dy ditë më parë është bërë ndërprerja e ujit dhe dritave për banorët e pallatit. Ka pasur një pjesë banorësh që kanë kundërshtuar urdhrin për t’u larguar nga banesat, por forcat e policisë i kanë nxjerrë me forcë.
