Sot paradite një aksident automobilistik ka ndodhur në aksin Lezhë-Shëngjin. Mësohet se një shofer që ecte me shpejtësi ka humbur kontrollin dhe për pasojë ka goditur një biçikletë, duke hedhur në tokë personin që udhëtonte me të.
Ndërkohë nga humbja e kontrollit mbi mjetin, shoferi ka goditur dhe tre automjete të tjera, të cilat ishin të parkuara para një lokali.
Si pasojë e aksidentit, i plagosur ka mbetur shoferi i biçikletës, që është dërguar me urgjencë në spitalin e Lezhës.
Policia ka nisur hetimet mbi rrethanat e aksidentit.
