Reperi Stresi u shpreh që në ditët e para të qëndrimit në shtëpinë e “Big Brother Kosova” se pjesëmarrjen e sheh si një dritë jeshile për tu pajtuar me ish-partneren e tij, Kejsin. Ndërkohë pas këtyre fjalëve, ai u pa shumë i afërt me modelen Gresa Hoti, e cila është konkurente.
Padyshim afrimiteti mes dyshes ngriti dyshime dhe aludime të shumta.
Por duket se Stresi e “ka kapur në kohë” situatën dhe ka sqaruar çdo gjë duke i vendosur edhe një emrë mardhënies së tij me modelen nga Kosova.
Në një bisedë me aktoren Shota Baraliu, Stresi theksoi se Gresën e do vetëm si shoqe dhe nuk mund të ndodhë asgjë më shumë se kaq.
“Po ta them ty, kamerës e të gjithëve. Edhe nesër do ta sqaroj si do të jetë një shok shumë i ngushtë i një femre. Unë kur t’i them dikujt shoqe, ashtu mbetet. Jam shumë i sigurt për këtë punë, jam shumë i matur. Nuk mund të ndodhin me Gresën se i kam thënë shoqe të ngushtë”, u shpreh ai.
Thua ta ketë ndarë mendjen Stresi?
