Po mbahet në Tiranë konferenca për konsolidimin e Këshillit të Lartë Gjyqësor dhe Gjykatës së Lartë. Në këtë aktivitet është e pranishme edhe ambasadorja e SHBA, Yuri Kim, e cila tha se reforma në drejtësi nuk është e përsosur, por ka dhënë efektet e saj.
Zërave për një zëvendësim të saj, ambasadorja iu dha vetë përgjigje sot duke thënë se do të vazhdojë të qëndrojë edhe më gjatë në vendin tonë.
“Reforma në drejtësi po jep rezultate të dukshme. Por njerëzit duan më shumë dhe SHBA janë në krah të popullit shqiptar. Nuk është një kohë që duhet çlodhur. Deri tani e kemi bërë së bashku SHBA nuk do të ndalojnë, as ju nuk duhet. Partnerët tuaj evropian duan që ju të keni sukses, që ju mund t’ia dilni mbanë. Unë kam 3 vite në Shqipëri dhe do të jem këtu edhe për ca më gjatë. Kjo është ajo që kam mësuar gjatë këtyre viteve, sepse ka një sfidë këtu. E dini kjo nuk ndodh sepse Shqipëria unike, është në mënyrë unikale e korruptuar, jo! Ky është një vend i vogël dhe të gjithë njohin të tjerët. Vendimet në drejtësi na ndikojnë
Ka ardhur koha për të thënë që Shqipëria është gati për në fazën tjetër. Shqipëria ka qenë anëtarë e NATO-së që në 2009. Në korrik BE filloi negociatat për futjen në këtë klubin e ëndrrave”, tha Kim.
Yuri Kim tha se janë vendosur standarde në drejtësinë shqiptare. Ambasadorja beri me dije se brenda 3-mujorit të parë të 2023, Gjykata Kushtetuese do të ketë të gjithë anëtarët.
