Kënga e Xhensila Myrtezaj “Ale Ale” u kopjua nga këngëtarja serbe Maya Berovic. Përveç vijës melodike ka të njejtë edhe titullin. Po “Ale Ale” titullohet edhe kënga e re e Maya-s.
Në lidhje me këtë ka reaguar për herë të parë edhe vetë Xhensila Myrtezaj, përmes një postimi në rrjetet sociale.
Ajo shprehet se nuk ka asnjë të drejtë mbi autorësinë e këngës dhe thjesht mund ta shfrytëzojë projektin online.
Reagimi i Xhensilës:
“Kam pasur komente të Shumta mbi kengën “Ale Ale” e publikuar në version të gjuhës Serbe nga një tjetër “Artiste”. Dua të njoftoj publikun tim që unë nuk kam asnjë të drejtë mbi autorsinë e këngës, përveç shfrytëzimit online të projektit të versionit të publikuar nga ana ime! Kënga nuk është shitur nga unë dhe as nuk kam qenë në dijeni të këtij Fakti!
Ps: Nëse do ishte për mua Serbia ose një Artiste Serbe do ishte në fund të listës për t’i shitur një kengë, ose prodhim timin që e kam dashur kaq shumë”
Kujtojmë që kjo nuk është hera e parë që një artist me origjinë serbe kopjon një projekt shqiptar. Më herët edhe youtube-r serb emri i të cilit është Bogdan Ilic, por që njihet me nofkën Baka Prase, i cili shumë i njohur në rrjetet e tij sociale, ku në Instagram numëron mbi 1 milion ndjekës, kopjoi “Heart attack-un” e Noizy-t dhe Loredanës.
Ai lancoi një “diss track” drejtuar një prej njerëzve më të pasur në Serbi, Zejlko Mitrovic. Kënga titullohej “MPQRS”, vija muzikore e të cilës ishte e njëjta me atë të “Heart attack” të reperëve shqiptarë.
Mirëpo më vonë u morën masa ndaj Bogdan Ilic, duke ia fshirë këngën nga Youtube.
