Reperi i njohur Majk ishte i ftuar dje në mbrëmje në programin “Zemër Luana”. Ai zbuloi se si i ka raportet me disa nga emrat e njohur të showbizzit. Artistit iu drejtuan disa pyetje, përgjigjet e të cilave duhet t’i jepte duke zgjedhur një prej kolegëve.
Majk është pyetur se cili është një artist që duhet të mbledhë rrobat dhe të largohet nga ‘Rap’ dhe nuk ka ngurruar të gjuajë në drejtim të Don Xhon.
Një ndër pyetjet për Majk ishte gjithashtu: “Cili prej këtyre artistëve kopjon më shumë?”
Reperi hezitoi të përgjigjej në fillim por gjithsesi “për hatër të pikëve” goditi Noizy-n.
Duke u pyetur se cilin artist cilësonte si më pak të talentuar, reperi ka zgjedhur Tayna-n.
Me cilin artist Majk ka një hatërmbetje? Me Capital T. Megjithatë, reperi vendosi të mos japë detaje.
Pyetjes, se cilin prej artistëve në tabelë nuk do e krahasonte me veten e tij, Majk iu përgjigj duke qëlluar Dafinën.
Sipas Majk, cili artist është i mbivlerësuar?
Ndonëse reperi ngurroi paksa, duke thënë se të gjithë e meritojnë famën që kanë, në fund i është dashur të bëjë një zgjedhje. Ai zgjodhi Ylli Limanin.
