Reshjet e shumta të shiut kanë bërë që përroi i Zaranikës të kthehet në një rrezik të madh për banorët e Elbasanit. Shtrati nuk e përballon dot intensitetin e prurjeve duke bërë që uji të vërshojë jashtë.
Problem mbetet ura në lagjen Vullnetari, e cila rrezikon shembjen. Për fatin e mirë aktualisht reshjet e shiut kanë ndalur, por banorët e zonës pranë përroit të Zaranikës janë të frikësuar.
Rritje të prurjeve ka dhe përroi i Namazderes dhe lumi Shkumbin, por deri tani nuk raportohen probleme serioze.
