Inceneratorët, afera më e madhe korruptive që ndodhet në duart e drejtësisë, janë faktuar tashmë se i kanë shtrirë duart edhe në media.
Edhe në këtë kohë kur pronarët e inceneratorëve janë në kërkim, vijojnë pagesat në media si ” Top Channel” dhe “Vox News”.
CNA.al më herët ka nxjerrë faturat se si mediat në fjalë janë paguar nga inceneratorët.
Mediat të cilat marrin pagesa nga inceneratorët bëjnë edhe të njëjtat kronika.
Duket qartazi se kronikat e “Top Channel”-it janë në sintoni të njëjtë me ato të “Vox News”-it.
Kush është “Vox News” dhe lidhja e tij me “Top Channel”
Fillimisht ka qenë kompania “VOX TV”, me pronar Endrit Habilaj.
Sipas ekstraktit të QKB, kompania “Vox TV” ishte themeluar me datë 14.12.2020 dhe me zyra qëndrore në adresën Tiranë, Kashar, Mëzez, rruga 17 Nëntori, Godina nr. 20, në katin e pestë dhe rezulton në pronësi të Endrit Habilaj.
Kujtojmë se “Vox TV” me datë 24.02.2012 ka bërë ndryshim të emrit të subjektit, ku nga “Top News” është bërë “Vox TV”.
Po nga ana tjetër në QKB është e regjistruar “Top News”, ka qenë në emër të Vjollca Hoxhës e cila ia ka dhuruar me 9.11.2022 Lorela Hoxhës.
Dhe me 2.02. 2022 është regjistruar në QKB, portali “Vox News” që rezulton me pronar Erion Habilajn, që është emëruar në vend të Ledion Liços në krye të “Top News”-it.
Erion Habilaj është kushëriri i Endrit Habilajt, i cili me kompanitë sh.p.k. të ndryshme regjistuar në QKB me emra “Vox News”, “Top News”, gazeta “Shqip” online apo dhe emra të tjerë merrte para nga kompanitë e inceneratorëve.
CNA.al ka sjellë më herët në mënyrë ekskluzive faturat, me të cilat kompanitë e Habilajt janë paguar nga inceneratorët.
Me anë të kompanisë “VOX TV”, Endrit Habilaj, ka marrë 979 949 lekë të reja, në pak muaj të vitit 2021.
Para nga inceneratorët nuk ka marrë vetëm kompania “VOX TV”, e cila sot nuk ekziston më por edhe me dy kompani të tjerë.
Edhe nëpërmjet kompanisë “Infinit Communication”, Endrit Habilaj, ka qenë ortak me Ornela Pangon, ka marrë 1 774 872 lekë të reja, vetëm me 4 fatura.
Ndërsa me kompaninë tjetër, SH.Q.I.P, të kamufluar në emër të bashkëshortes Uarda Habilaj, që sipas faturave të siguruara nga CNA.al, inceneratorët kanë dhënë rreth 20 000 euro. Edhe kjo kompani është çregjistruar tashmë nga QKB.
Në total për vitin 2021, Habilaj është paguar nga inceneratorët 2 847 079 kekë.
“Top Channel” në ortakëri me inceneratorët
Në vitin 2019, CNA.al ka raportuar se si Vjollca Hoxha u bë ortake me Mirel Mërtirin, Klodian Zoton dhe Eva Blushin, nëpërmjet kompanisë “Em Capital Group”, e cila qe krijuar në Bullgari.
Më pas njerëzit e inceneratorëve blenë 51 për qind të aksioneve të brendit të “Lori Cafesë”, “Valtelina Café”.
Dhe pas tri vitesh ortakëri duke e përdorur “Top Channel” për propagandë ditë e natë për inceneratorët, siç raportohet në Qendrën Kombëtare të Biznesit, pak kohë më parë i janë rikthyer aksionet Vjollca Hoxhës.
Hoxha, sipas një kontrate, ka marrë rreth 1.5 milionë euro me transfertë bankare, më pas 6 këste të tjera.
Vjollca Hoxha, bëri ortakëri me Mirelin dhe Klodin e inceneratorëve duke i dhënë 51 për qind të aksioneve të kompanisë dhe duke mbajtur vetë 49 për qind.
Këto fakte janë dhe rikthehen për të gjitha ata se “Top Channel” po bën opozitën. Por nuk është e vërtetë.
Nuk po bën opozitë, por po mbron interesat e tij biznesore me ortakët e inceneratorëve./CNA.al
