Një 39-vjeçar ka rënë në prangat e policisë, pasi ka përndjekur një 44-vjeçare në Korçë dhe ka hyrë me forcë në oborrin e banesës së saj duke e terrorizuar.
Uniformat blu bëjnë me dije se i arrestuari është identifikuar me inicialet I.Ç, banues në fshatin Vithkuq, Korçë dhe akuzohet për veprat penale “Dhunimi i banesës” dhe “Përndjekja”.
“Specialistët për Hetimin e Krimeve të Komisariatit të Policisë Korçë arrestuan në flagrancë shtetasin I. Ç., 39 vjeç, banues në fshatin Vithkuq, Korçë, për veprat penale “Dhunimi i banesës” dhe “Përndjekja”, pasi dyshohet se në mënyrë të vazhdueshme ka përndjekur një 44-vjeçare dhe ka hyrë me forcë në oborrin e banesës së saj”, njofton policia.
