Reperi nga Shqipëria, Stresi, është njëri nga konkurrentët e Big Brother VIP Kosova. Me të hyrë brenda krijoi shoqëri me të gjithë banorët e tjerë, ku nuk mungoi as rrëfimi mbi jetën dhe karrierën personale.
Ai në një moment ka folur edhe për sherrin me Noizyn, me të cilin nuk kishte pasur asnjë kontakt për 11 vjet.
Për hyrjen e Stresit në këtë spektakël ka reaguar edhe Rigels Rajku (emri i vërtetë) duke i uruar fat.
Noizy ka ndarë një video në InstaStory, ku shihet Stresi në rolin e berberit teksa ngacmon modelen Gresa Hoti.
“Paç fat. Vëlla imagjino pas një muaji aty. Nuk do të shohin më sytë”, ka qenë komenti i 36-vjeçarit duke bërë humor me situatën e krijuar.
Banorët në Big Brother garojnë për çmimin e madh prej 200 mijë eurosh.
